Crime News |अंबाजोगाई सत्र न्यायालयात वकिली करणाऱ्या ज्ञानेश्वरी अंजान या तरुणीला गावातील सरपंच आणि त्याच्या कार्यकर्त्यांनी 14 एप्रिल रोजी अमानुषपणे मारहाण केल्याची धक्कादायक घटना समोर आली आहे. पाईपने झालेल्या बेदम मारहाणीमुळे त्यांच्या पाठीवर गंभीर जखमा झाल्या असून, अंगात रक्तसाकळल्याची माहिती समोर आली आहे.
सनगाव गावातील ही घटना असून, ज्ञानेश्वरी यांच्यावर केवळ भोंग्याचा आवाज कमी करण्याची विनंती केल्यामुळे सूडबुद्धीनं हल्ला करण्यात आल्याचा (Crime News) आरोप त्यांनी केला आहे. त्या काळात अभ्यास करत असताना मंदीराच्या भोंग्याचा आवाज त्रासदायक ठरत होता, त्यामुळे त्यांनी सरपंच अनंत अंजान यांना आवाज कमी करण्यास सांगितलं होतं. मात्र, यानंतर सुरू झालेल्या वादातून अखेर मारहाणीपर्यंत प्रकरण पोहोचलं.
मारहाणीनंतर ज्ञानेश्वरी यांना मायग्रेन आणि पाठीच्या दुखण्याचा तीव्र त्रास सुरू झाला आहे. सरपंचाने त्रास देण्यासाठी मुद्दाम त्यांच्या घराशेजारी तीन पीठ गिरण्या सुरू केल्या आणि सततच्या आवाजामुळे त्यांचे आरोग्य बिघडले. या प्रकारामुळे संपूर्ण परिसरात संतापाची लाट उसळली असून, पोलिसांनी या प्रकरणी तातडीने कारवाई करावी, अशी मागणी होत आहे.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
वयाच्या ६०व्या वर्षी पहिल्यांदाच लग्न करतोय ‘हा’ भाजप नेता, जाणून घ्या कोण त्यांची होणारी वधू
ईडी, सीबीआयच्या कारवायांनी मोदी सरकार काँग्रेसचा आवाज दडपू शकत नाही: रमेश चेन्नीथला
वक्फ दुरुस्ती कायद्याला सुप्रीम कोर्टाने दिलेल्या तात्पुरत्या स्थगितीचे स्वागत, नवीन कायदा रद्द करा
