आधार कार्डशी मतदान ओळखपत्र लिंक करणे अनिवार्य झालंय? जाणून घ्या व्हायरल मॅसेजमागचे सत्य
आधार कार्ड (Aadhaar Card) आणि मतदार ओळखपत्र (Voter ID) दोन्ही देशात नागरिक ओळखपत्र म्हणून वापरले जातात. मतदार ओळखपत्राच्या तुलनेत आधार कार्ड सर्वत्र वापरले जात आहे. शाळांपासून बँकेपर्यंत आणि कोणत्याही सरकारी योजनेच्या लाभासाठी आधार कार्डचा वापर केला जात आहे.
केंद्र सरकारने बँक आणि पॅन कार्डला आधार लिंक करण्यासाठी मार्गदर्शक सूचना जारी केली आहे. जर पॅन कार्ड आधारशी लिंक नसेल तर 31 मार्च 2023 नंतर तुम्ही पॅन कार्ड वापरू शकणार नाही. त्याचवेळी आजकाल लोकांना असा मेसेज देखील आला आहे, ज्यामध्ये असे म्हटले आहे की मतदान ओळखपत्र आधारशी (Aadhaar Voter ID Link) लिंक करणे अनिवार्य आहे. हा मेसेज सोशल मीडियावर मोठ्या प्रमाणात व्हायरल होत आहे.
लोकांमध्ये काय मेसेज जात आहे?
अधिकृत ट्विटर हँडलवरून हा मेसेज मोठ्या प्रमाणात व्हायरल होत आहे. या अंतर्गत, असे म्हटले आहे की निवडणूक कायदे विधेयक, 2021 नुसार आता मतदार ओळखपत्र आधारशी लिंक करणे अनिवार्य आहे. आताच हे काम करा. त्यासाठी तुम्ही निवडणूक आयोगाचे व्होटर हेल्पलाइन ऍप डाउनलोड करू शकता आणि व्होटर हेल्पलाइन नंबर 1950 डायल करू शकता.
व्हायरल मेसेजचे सत्य समोर आले
पीआयबी फॅक्ट चेकने या व्हायरल मेसेजची चौकशी केली आहे. ट्विटरवर माहिती देताना पीआयबी फॅक्ट चेकने सांगितले की, हा मेसेज पूर्णपणे खोटा आहे. पीआयबीने सांगितले की, सरकारने कोणत्याही प्रकारे मतदार ओळखपत्राशी आधार कार्ड लिंक करण्यास सांगितले नाही. हा मेसेज फसवणुकीच्या उद्देशाने पाठवला गेला असावा.
It is being claimed that as per the Election Laws (Amendment) Bill, 2021, it is now '𝐦𝐚𝐧𝐝𝐚𝐭𝐨𝐫𝐲' to link Voter ID & Aadhaar#PIBFactCheck
◾️This claim is #Fake
◾️It's '𝐯𝐨𝐥𝐮𝐧𝐭𝐚𝐫𝐲' to link an Aadhaar card with a Voter ID card@ECISVEEP🔗https://t.co/mtIel6E4s9 pic.twitter.com/tTZ4UukMmB
— PIB Fact Check (@PIBFactCheck) February 9, 2023
मतदार ओळखपत्राशी आधार लिंक करता येईल
पीआयबी फॅक्ट चेकने असे म्हटले आहे की, कोणत्याही अडचणीशिवाय तुम्ही तुमच्या इच्छेनुसार आधार कार्ड मतदार ओळखपत्राशी लिंक करू शकता, परंतु सरकारने यासाठी कोणतीही सक्ती लागू केलेली नाही.