Jay Malokar | राष्ट्रवादी काँग्रेसचे आमदार अमोल मिटकरी यांच्या गाडीवर काल अकोल्यात मनसे कार्यकर्त्यांनी हल्ला केला. या हल्ल्यात अमोल मिटकरींना काही झाले नाही, मात्र त्यांच्या गाडीचे नुकसान झाले आहे. त्यांच्या गाडीच्या काचा मनसे सैनिकांनी फोडल्या आहेत. या राड्यानंतर हल्ल्यात सहभाागी असलेले मनसे कार्यकर्ते जय मालोकर यांचा हृदयविकाराच्या झटक्याने मृत्यू झाला. त्यामुळे हे प्रकरण जास्तच तापले आहे. दरम्यान, आज राज ठाकरे यांचे सुपुत्र अमित ठाकरे हे मृत मनसैनिक जय मालोकरच्या ( Jay Malokar) कुटुंबियांना भेट देण्यासाठी आले असताना त्यांच्या ताफ्यातील गाडीचा अपघात झाला.
मनसेचे नेते अमित ठाकरे हे आज दिवंगत मनसे कार्यकर्ता जय मालोकर यांच्या कुटुंबियांना भेटण्यासाठी अकोल्यात जात होते. जय मालोकार यांच्या कुटुंबियांच्या भेटीसाठी अमित ठाकरेंचा ताफा समृद्धी महामार्गावरून मालेगाव येथून अकोल्याकडे जात होता. अकोल्याकडे येत असताना त्यांच्या ताफ्यातील गाड्या एकमेकांवर धडकल्या. समृद्धी महामार्गावरुन खाली उतरल्यानंतर अकोल्याकडे येताना पातुरजवळील भंडारज फाटा येथे ही घटना घडली आहे. सुदैवाने कुणालाही कोणतीही दुखापत नाही.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
