ऍपल वॉचने वाचवले डेंटिस्टचे प्राण, धमनीत ९९.९% ब्लॉकेज आढळले होते
नवी दिल्ली – सध्या स्मार्ट वॉचचा वापर चांगलाच वाढला असल्याचे दिसून येत आहे. मात्र स्मार्ट वॉचमुळे हरियाणातील रहिवासी असलेल्या डेंटिस्ट नितेश चोप्रा यांचे प्राण वाचले असल्याचे समोर आले आहे. चोप्रा यांना गेल्या वर्षी त्यांच्या पत्नीने अॅपल वॉच सीरीज 6 भेट दिली होती. गेल्या शनिवारी चोप्रा यांना छातीत दुखू लागले आणि 12 मार्च रोजी त्यांनी ऍपल वॉचने त्यांचा ईसीजी केला आणि त्यांच्या रक्तवाहिन्यांमध्ये 99.9 टक्के ब्लॉकेज आढळले.
डॉक्टरांनी त्यांच्यावर हृदयाची शस्त्रक्रिया करून स्टेंट टाकला आणि काही काळ रुग्णालयात राहिल्यानंतर त्यांना घरी पाठवले.डॉक्टरांची पत्नी नेहाने सांगितले की, मी भाग्यवान आहे की तिच्याकडे घड्याळ आहे. त्यांनी सांगितले की ऍपल वॉचने सूचित केले होते की त्यांच्या रक्तवाहिन्यांमध्ये समस्या आहे. नेहा आणि नितेश यांनी अॅपलचे सीईओ टिम कुक यांचे पत्र लिहून आभार मानले आहेत. दोघांच्या पत्रावर टीम कुकने कृतज्ञता व्यक्त केली आहे.
ऍपल वॉचमध्ये इलेक्ट्रोकार्डियोग्राम (ECG) चे वैशिष्ट्य खास देण्यात आले आहे. त्याचे वैद्यकीय प्रमाणपत्रही मिळाले आहे. याआधीही अॅपल वॉचच्या ईसीजी आणि फॉल डिटेक्शन वैशिष्ट्यांमुळे अनेकांचे प्राण वाचले आहेत.
डॉ. चोप्रा म्हणाले की, या घटनेपूर्वी ते घड्याळाकडे फॅशनची वस्तू म्हणून पाहायचे आणि त्याचा जीव वाचवणारा वापर पाहून आश्चर्यचकित झाले. जेव्हा हे जोडपे हॉस्पिटलमध्ये होते, तेव्हा त्यांनी सतत ऍपल वॉचवरील रीडिंगची हॉस्पिटलच्या उपकरणावरील रीडिंगशी तुलना केली आणि ते अचूक असल्याचे आढळले. चोप्रा म्हणाले की ज्यांना त्यांच्या आरोग्याची काळजी असेल त्यांना ते ऍपल वॉचची शिफारस करतील.