Gautam Gambhir | गौतम गंभीर मुख्य प्रशिक्षक होताच विराट कोहली, रोहित शर्मा यांना बसावे लागणार बाकावर!

Gautam Gambhir | भारताचे मुख्य प्रशिक्षक राहुल द्रविड यांचा कार्यकाळ संपणार आहे. त्यांचा कार्यकाळ संपताच, बीसीसीआय नवीन प्रशिक्षकाची घोषणा करेल, भारतीय संघाचा भावी प्रशिक्षक म्हणून गौतम गंभीरचे नाव अंतिम मानले जात आहे. त्यासाठी त्यांनी मुंबईत मुलाखतही दिली असून आता फक्त त्याची अधिकृत घोषणा बाकी आहे. यानंतर तो द्रविडची जागा घेणार आहे. रिपोर्टनुसार, गंभीरने बीसीसीआयसमोर काही मागण्या ठेवल्या होत्या, त्या मान्य करण्यात आल्या आहेत. आता गंभीर टीम इंडियात येताच तो संघात अनेक बदल करणार आहे, ज्याची सुरुवात झिम्बाब्वे दौऱ्यापासून होणार आहे.

रोहित, विराट, बुमराह बाहेर होतील, विशेष काम मिळेल
गौतम गंभीरने (Gautam Gambhir) आपली एक मोठी मागणी केली आहे की सर्व फॉरमॅटसाठी स्पेशलाइज्ड टीम्स तयार केल्या जातील. टाईम्स ऑफ इंडियाच्या वृत्तानुसार, आयपीएलमध्ये चांगली कामगिरी करणाऱ्या अभिषेक शर्मा, रियान पराग आणि यश दयाल या युवा खेळाडूंना जुलैमध्ये होणाऱ्या झिम्बाब्वे दौऱ्यावर संधी दिली जाऊ शकते. अशा परिस्थितीत रोहित शर्मा, विराट कोहली आणि जसप्रीत बुमराह यांसारख्या वरिष्ठ खेळाडूंना टी-20 संघातून बाहेर ठेवले जाईल. तर रोहित, विराट आणि बुमराह सारखे वरिष्ठ खेळाडू फेब्रुवारी-मार्च 2025 मध्ये चॅम्पियन्स ट्रॉफी आणि कसोटी चॅम्पियनशिपवर लक्ष केंद्रित करतील.

बीसीसीआयने झिम्बाब्वे दौरा जाहीर केला
बीसीसीआयने झिम्बाब्वे दौऱ्याची घोषणा केली आहे. टी20 विश्वचषक 29 जून रोजी संपल्यानंतर भारतीय संघ 6 जुलैपासून 5 सामन्यांची टी20 मालिका खेळण्यासाठी झिम्बाब्वेचा दौरा करणार आहे. पहिला सामना 6 जुलैला, दुसरा सामना 7 जुलैला, तिसरा सामना 10 जुलैला, चौथा सामना 13 जुलैला आणि पाचवा सामना 14 जुलैला होणार आहे.

गौतम गंभीरने कोणती मागणी केली?
गौतम गंभीरने मंगळवारी 18 जून रोजी टीम इंडियाच्या पुढील मुख्य प्रशिक्षकासाठी मुलाखत दिली. यावेळी त्यांनी बीसीसीआयसमोर आपल्या काही मागण्या मांडल्या. प्रत्येक फॉरमॅटसाठी स्वतंत्र भारतीय संघ तयार करण्यात यावा, ही त्यांची प्रमुख मागणी होती. याशिवाय त्याला त्याच्या आवडीनुसार सपोर्ट स्टाफची निवड करण्याबरोबरच संघावर पूर्ण नियंत्रण हवे होते. वृत्तानुसार, बीसीसीआयने सर्व मागण्या मान्य केल्या आहेत.

आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप

You May Also Like