गायक चाहत फतेह अली खानचे (Chahat Fateh Ali Khan) ‘बदो बदी’ हे गाणे इंटरनेट सेन्सेशन बनले आहे. आता गाक चाहत यांनी एक नवीन इच्छा व्यक्त केली आहे. चाहतला पाकिस्तान क्रिकेट बोर्डाचे (पीसीबी) अध्यक्ष व्हायचे आहे जेणेकरून तो पाकिस्तान संघाला योग्य मार्गावर आणू शकेल. सध्या, मोहसीन नक्वी हे पीसीबीचे प्रमुख आहेत, ते अंतर्गत व्यवहार मंत्री देखील आहेत. नक्वी यांच्याकडे आधीच महत्त्वाच्या जबाबदाऱ्या असल्याने नक्वी यांनी पीसीबीचे अध्यक्षपद सोडावे, अशी चाहत यांची इच्छा आहे. बाबर आझमच्या नेतृत्वाखालील पाकिस्तान संघ सध्याच्या टी20 विश्वचषकातून बाहेर पडल्यानंतर चाहतचे हे वक्तव्य आले आहे.
चाहत (Chahat Fateh Ali Khan) म्हणाला, मी पीसीबी आणि क्रिकेट संघाला योग्य मार्गावर आणण्यासाठी तयार आहे. माझी अध्यक्षपदी नियुक्ती झाल्यास मी वैयक्तिकरित्या खेळाडूंच्या कामगिरीवर लक्ष ठेवेन. याशिवाय मी आठवड्यातून चार दिवस संघाला कोचिंगही देईन. मी संघात शिस्त राखेन आणि कोणत्याही प्रकारचा हस्तक्षेप खपवून घेणार नाही.
ते म्हणाले, मी नक्वी यांच्यावर टीका करत नाही. त्याने माझ्या ऑफरचा विचार करावा असे मला वाटते. त्यांच्याकडे महत्त्वाच्या जबाबदाऱ्या असलेले गृहमंत्रीही असल्याने त्यांनी पीसीबीचे अध्यक्षपद माझ्याकडे सोपवावे, असे मला वाटते. हा मोहसिन नक्वी यांचा अपमान नसून पीसीबीचे अध्यक्षपद त्यांच्यासाठी नाही. असे मत चाहत यांनी मांडले आहे.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअॅप ग्रुप
महत्वाच्या बातम्या :
