Pune Crime News | कोलवडी येथील एका उच्चभ्रू सोसायटीमध्ये महिलांना फोन करून त्रास देणे, अश्लील शेरेबाजी करणे तसेच गॅलरीत अर्धनग्न अवस्थेत उभे राहणे असे कृत्य करणाऱ्या तरुणावर न्यायालयाने तातडीने कारवाई करत १० हजार रुपये दंड आणि ५ हजार रुपयांची नुकसान भरपाई ठोठावली आहे.
सिद्धेश्वर बिरादार (वय ३०, रा. कोलवडी) असे आरोपीचे नाव असून, सोसायटीतील महिलांनी त्याच्या वर्तनाविरोधात लोणीकंद पोलिसांकडे तक्रार नोंदवली होती. पोलिसांनी तक्रारीची गंभीर दखल घेत अवघ्या २४ तासांत तपास पूर्ण करून २५ मार्च रोजी शिवाजीनगर न्यायालयात ( Pune Crime News) दोषारोप दाखल केला.
तपासानंतर न्यायालयात फिर्यादी आणि साक्षीदार उपस्थित राहिले. आरोपीने स्वतः गुन्हा कबूल केल्याने न्यायालयाने तातडीने निर्णय दिला.आरोपीला १०,००० रुपयांचा दंड,फिर्यादी महिलेला ५,००० रुपयांची नुकसानभरपाई,दंड न भरल्यास ११ दिवसांचा साधा कारावास अशी शिक्षा देण्यात आली आहे.
हा गुन्हा हिम्मत जाधव (पोलीस उपायुक्त, येरवडा विभाग झोन ४), प्रांजली सोनवणे (सहाय्यक पोलीस आयुक्त, येरवडा विभाग), वरिष्ठ पोलीस निरीक्षक सर्जेराव कुंभार (लोणीकंद पोलीस स्टेशन) यांच्या मार्गदर्शनाखाली उघडकीस आणण्यात आला. महिला सहाय्यक पोलीस निरीक्षक विजया पंडित वंजारी, पोलीस शिपाई आशिष लोहार आणि विठ्ठल केदारी यांनी या कारवाईत मोलाचे सहकार्य केले.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
‘कायदा सुव्यवस्था राखण्यात सरकार पूर्णपणे अपयशी, मुख्यमंत्री व मंत्र्यांची वर्तणूक संविधानविरोधी’
मुंबईतील फनेल झोनमधील इमारतींच्या पुनर्विकासासाठी डीसीपीआरमध्ये स्वतंत्र तरतूद
शिवसैनिकांना कचरा समजणारे हाय व्होल्टेज शॉकमधून सावरले नाहीत; शिंदेंची उबाठावर खरमरीत टीका
