kedar shinde | बिग बॉस मराठी’ फेम सूरज चव्हाणचा ‘झापुक झुपूक’ हा सिनेमा नुकताच प्रदर्शित झाला. मात्र या सिनेमाला अपेक्षेप्रमाणे प्रतिसाद मिळाला नाही. या पार्श्वभूमीवर दिग्दर्शक केदार शिंदे यांनी ट्रोलर्सवर सडकून टीका केली आहे. “काही जणांनी ठरवून हा सिनेमा फ्लॉप करायचा होता. शो सुरू होण्यापूर्वीच थिएटरमधील रिकाम्या जागांचे व्हिडिओ काढून नकारात्मक वातावरण तयार केलं जातंय,” असं त्यांनी स्पष्टपणे सांगितलं.
केदार शिंदे(kedar shinde) इन्स्टाग्रामवर लाइव्ह येत प्रेक्षकांशी संवाद साधला. यावेळी त्यांनी सूरजला लक्ष्य करणाऱ्या युट्यूबर्सवरही ताशेरे ओढले. “सिनेमाचं परीक्षण न करता पंधरा मिनिटांत मत ठरवलं जातं. आम्ही सिनेमासाठी जीव तोडून मेहनत घेतली आहे. ज्या युट्यूबर्सनी अज्ञानातून टीका केली, त्यांना पुढच्या सिनेमाच्या शूटिंगला सोबत नेऊन खरा अनुभव द्यायचा विचार आहे,” असंही त्यांनी सांगितलं.
‘झापुक झुपूक’ सिनेमाने तीन दिवसांत सुमारे ७० लाखांची कमाई केली आहे. मात्र सोशल मीडियावर सुरू असलेल्या नकारात्मक प्रचारामुळे सूरज चव्हाणला वाईट वाटत असल्याचं केदार शिंदे यांनी सांगितलं. “सिनेमा पाहा, चूक असेल तर सांगा, पण विनाकारण टीका करु नका,” असा संदेशही त्यांनी चाहत्यांना दिला.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
आता तरी राहुल गांधींचं डोकं ताळ्यावर येईल, चंद्रशेखर बावनकुळेंचा निशाणा
राष्ट्रीय सुरक्षेसाठी माहिती व प्रसारण मंत्रालयाचे सर्व माध्यमांना निर्देश
पहलगाम दहशतवादी हल्ल्यानंतर भारतासोबत उभे जागतिक नेते; एनआयएकडे तपास सोपवला
