Floor-Test : देवेंद्र फडणवीस यांची राज ठाकरेंशी फोनवर चर्चा, मनसे पाठिंबा देण्यास तयार
Mumbai – महाराष्ट्राच्या राजकारणासाठी उद्याचा (३० जून) महत्त्वाचा दिवस असेल. राज्यपाल भगतसिंग कोश्यारी यांनी मुख्यमंत्री उद्धव ठाकरे यांना पत्र लिहून बहुमत सिद्ध करण्याची विनंती केली आहे. महाराष्ट्रात अल्पमतात आलेल्या उद्धव ठाकरे सरकारची उद्या (३० जून) फ्लोर टेस्ट होणार आहे. राज्यपाल भगतसिंग कोश्यारी यांनी घटनेत दिलेल्या अधिकाराचा वापर करून उद्धव सरकारला उद्या बहुमत सिद्ध करण्यास सांगितले आहे. विधानसभेचे अधिवेशन उद्या सकाळी 11 वाजता सुरू होणार असून, सायंकाळी 5 वाजेपर्यंत फ्लोअर टेस्ट पूर्ण करण्यास सांगण्यात आले आहे.
दरम्यान, आज बंडखोर आमदार एकनाथ शिंदे यांनी गुवाहाटी येथील कामाख्या मंदिरात जाऊन महाराष्ट्रातील जनतेच्या सुख-समृद्धीसाठी कामाख्या मातेला नवस मागितला. शिंदे गटाचे सर्व आमदार मंदिरात पोहोचले होते. दर्शनानंतर एकनाथ शिंदे म्हणाले की, महाराष्ट्रातील जनतेच्या सुख-समृद्धीसाठी मी कामाख्या मातेकडे नवस मागितला आहे. दरम्यान, एकनाथ शिंदे गटाचे सर्व आमदार आज (29 जून) गुवाहाटीहून गोव्याला जाणार असल्याचे वृत्त आहे. सर्व आमदार गोव्यात एक रात्र मुक्काम करून उद्या सकाळी ११ वाजण्यापूर्वी महाराष्ट्र विधानभवनात पोहोचतील आणि विधानसभेच्या कामकाजात भाग घेतील.
दरम्यान, भाजप नेते देवेंद्र फडणवीस यांनी आज (बुधवार) मनसे अध्यक्ष राज ठाकरे यांच्याशी दूरध्वनीवरून चर्चा केली. फ्लोअर टेस्टपूर्वी फडणवीस यांनी राज ठाकरेंचा पक्ष मनसेचा पाठिंबा मागितला आहे. राज ठाकरे यांनी भाजपला पाठिंबा देण्याचे मान्य केले आहे.
#MaharastraPoliticalCrisis | BJP leader Devendra Fadnavis spoke with MNS chief Raj Thackeray over the phone, asking for help in Floor Test scheduled for tomorrow. Thackeray agreed, he said that the party will vote. MNS has one MLA in the Maharashtra Assembly.
(File photos) pic.twitter.com/z7YCnDInki
— ANI (@ANI) June 29, 2022