माजी भारतीय क्रिकेटपटू झहीर खानने (Zaheer Khan) त्याच्या पत्नीसह मुंबईतील लोअर परेल परिसरात करोडो रुपयांचा आलिशान फ्लॅट खरेदी केला आहे. महाराष्ट्र सरकारच्या अधिकृत नोंदणी वेबसाइटनुसार, भारतीय क्रिकेटपटूने खरेदी केलेली मालमत्ता फेब्रुवारी २०२५ मध्ये नोंदणीकृत झाली होती. झहीर खानने त्याची पत्नी सागरिका घाटगे आणि भाऊ शिवजीत घाटगे यांच्यासोबत एकूण ११ कोटी रुपयांना हा फ्लॅट खरेदी केला आहे.
हा ईशान फ्लॅट इंडियाबुल्स स्काय अपार्टमेंटमध्ये आहे आणि फ्लॅट खरेदीदार पार्किंगमध्ये एकाच वेळी 3 कार पार्क करू शकतो. फ्लॅटवर स्टॅम्प ड्युटी ६६ लाख रुपये आणि नोंदणी शुल्क ३० हजार रुपये होते. मीडिया रिपोर्ट्सनुसार, लोअर परळ परिसरातील सध्याच्या मालमत्तेची किंमत प्रति चौरस फूट सुमारे ४९,०९६ रुपये आहे. येथे, अभिषेक बच्चन, शाहिद कपूर आणि लेखक अमिश त्रिपाठी सारख्या प्रसिद्ध आणि श्रीमंत लोकांनी देखील लोअर परेल परिसरात फ्लॅट खरेदी केले आहेत.
झहीर खानची शानदार कारकीर्द
झहीर खानबद्दल (Zaheer Khan) बोलायचे झाले तर, त्याने २०१५ मध्ये त्याच्या क्रिकेट कारकिर्दीला निरोप दिला. २००२ ते २०१४ पर्यंत त्यांनी आंतरराष्ट्रीय स्तरावर भारतीय क्रिकेट संघाचे प्रतिनिधित्व केले. २००२ मध्ये श्रीलंकेसोबत चॅम्पियन्स ट्रॉफी जिंकणाऱ्या भारतीय संघाचा तो भाग होता. त्याने २१ विकेट्स घेऊन २०११ चा विश्वचषक भारताला जिंकून देण्यात मोठे योगदान दिले. त्याने त्याच्या आंतरराष्ट्रीय कारकिर्दीत एकूण ५९३ विकेट्स घेतल्या. तो अजूनही कपिल देव नंतर आंतरराष्ट्रीय क्रिकेटमध्ये भारतासाठी सर्वाधिक विकेट घेणारा दुसरा गोलंदाज आहे.
क्रिकेटमधील त्यांच्या अविश्वसनीय योगदानाबद्दल त्यांना २०११ मध्ये अर्जुन पुरस्कारानेही सन्मानित करण्यात आले. क्रिकेटमधून निवृत्ती घेतल्यानंतर दोन वर्षांनी, २०१७ मध्ये, त्याने सागरिका घाटगेशी लग्न केले, जी व्यवसायाने मॉडेल, अभिनेत्री आणि हॉकी खेळाडू आहे.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
‘लव्ह जिहाद’ कायद्याला माझा विरोध | Ramdas Athawale
‘फक्त दोन तास ईडी हातात द्या, अमित शाह सुद्धा मातोश्रीत येऊन शिवसेनेत प्रवेश करतील’
सुरेश धस, धनंजय मुंडे भेटीवर अजितदादांची पहिली प्रतिक्रिया, म्हणाले,…
