Chhatrapati Shivaji Maharaj | बॉलिवूडमधील ऐतिहासिक घटना आणि पात्रांवर आधारित अनेक चित्रपट केवळ बंपर हिट ठरले नाहीत तर या पात्रांनी अनेक कलाकारांच्या कारकिर्दीला एक नवीन दिशाही दिली आहे. छत्रपती शिवाजी महाराज हे भारतीय इतिहासातील एक महान व्यक्तिमत्व आहे आणि चित्रपट निर्मात्यांसाठी देखील ते एक आवडते पर्याय राहिले आहेत. आज आम्ही तुम्हाला पडद्यावर छत्रपती शिवाजी महाराजांची भूमिका ( Chhatrapati Shivaji Maharaj ) साकारणाऱ्या काही कलाकारांबद्दल सांगणार आहोत.
महेश मांजरेकर – प्रसिद्ध बॉलिवूड चित्रपट निर्माते आणि अभिनेते महेश मांजरेकर यांनी २००९ मध्ये प्रदर्शित झालेल्या ‘मी शिवाजीराजे भोसले बोलतोय’ या चित्रपटात छत्रपती शिवाजी महाराजांची भूमिका साकारली होती. या चित्रपटातील त्याची भूमिका प्रेक्षकांना खूप आवडली. या चित्रपटाने बॉक्स ऑफिसवर चांगले कलेक्शन केले. जेव्हा मांजरेकर छत्रपतींच्या भूमिकेत प्रेक्षकांसमोर आले तेव्हा प्रत्येकजण त्यांच्या अभिनयाचे चाहते झाले.
नसीरुद्दीन शाह – हिंदी चित्रपटसृष्टीतील ज्येष्ठ अभिनेते नसीरुद्दीन शाह यांनीही श्याम बेनेगल यांच्या प्रसिद्ध शो ‘भारत एक खोज’ मध्ये छत्रपती शिवाजी महाराजांची भूमिका साकारली होती.
अमोल कोल्हे – अभिनेता अमोल कोल्हे यांनी छत्रपती महाराजांची भूमिका अनेक वेळा साकारली आहे. चित्रपटाव्यतिरिक्त, त्यांनी ‘राजा शिवछत्रपती’ या टीव्ही शोमध्येही ही भूमिका साकारली आहे. जो कोरोना काळात प्रसारित झाला होता.
शरद केळकर – अनेक टीव्ही शो आणि चित्रपटांमध्ये दमदार अभिनय करणारे शरद केळकर देखील या यादीत आहेत. ओम राऊत यांच्या ‘तान्हाजी: द अनसंग वॉरियर’ या चित्रपटात शरद केळकर यांनी राजे शिवाजीची भूमिका साकारली होती. जे प्रेक्षकांना खूप आवडले.
अक्षय कुमार – बॉलिवूडचा खिलाडी अक्षय कुमार देखील या प्रतिष्ठित भूमिकेत दिसला आहे. महेश मांजरेकर यांच्या मराठी चित्रपटात त्यांनी ही भूमिका साकारली होती.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
शिवस्मारक केवळ घोषणांपुरते! महाराष्ट्राच्या अस्मितेचा अपमान थांबवा! शरद पवार पक्षाची निदर्शने
तुमच्याकडे परिवारवाद तर आमचा महाराष्ट्रवाद!, शिंदे यांचा रत्नागिरीतून उबाठावर हल्लाबोल
मराठ्यांचा जाज्वल्य इतिहास दाखवणारा ‘छावा’ चित्रपट महाराष्ट्रभरात करमुक्त व्हावा! लांडगे यांची मागणी
