‘जिल्हा परिषद शाळेतली मुलगी ट्विटर किंवा गुगलची मुख्य कार्यकारी अधिकारी होईल तेंव्हा खरा आनंद’
मुंबई : गुगल, मायक्रोसॉफ्ट,आयबीएम, पाठोपाठ आता आणखी एका बलाढ्य टेक कंपनीच्या सीईओपदाची धुरा भारतीयाकडे सोपविण्यात आली आहे. ट्विटरच्या सीईओपदी पराग अग्रवाल (Parag Agrawal) यांची नियुक्ती करण्यात आली आहे.
पराग अग्रवाल हे आयआयटी मुंबईचे इंजिनिअर आहेत. गेल्या दशकभरापासून ते ट्विटरमध्ये कार्यरत आहेत. सध्या पराग अग्रवाल हे ट्विटरमध्ये चीफ टेक्निकल ऑफिसर म्हणून कार्यरत होते. याआधी पराग अग्रवाल यांनी मायक्रोसॉफ्ट,याहू मध्ये देखील काम केले आहे.पराग अग्रवाल आयआयटी मुंबईमधून पदवीधर आहेत.
ट्विटरचे (Twitter) नवीन CEO अग्रवाल 2011 मध्ये कंपनीत सामील झाले आणि ऑक्टोबर 2017 पासून त्यांनी मुख्य तंत्रज्ञान अधिकारी म्हणून काम केले आहे, जेथे ते नेटवर्कच्या तांत्रिक धोरणासाठी जबाबदार होते. अग्रवाल यांनी स्टॅनफोर्ड विद्यापीठातून संगणकशास्त्रात पीएचडी केली आहे. डॉर्सी यांनी कंपनीचे सीईओ पद सोडण्याचा निर्णय घेतल्यानंतर ट्विटरच्या शेअर्समध्ये सुमारे 11 टक्के वाढ झाली.
जेंव्हा आमच्या मराठवाड्यासारख्या भागातल्या जिल्हा परिषद शाळेतली एखादी मुलगी ट्विटर किंवा गुगलची मुख्य कार्यकारी अधिकारी होईल तेंव्हा खरा आनंद.. #TwitterCEO
— Anil Shidore अनिल शिदोरे (@anilshidore) November 30, 2021
दरम्यान, पराग अग्रवाल यांच्यावर कौतुकाचा वर्षाव होत असताना दुसऱ्या बाजूला मनसेचे नेते अनिल शिदोरे यांनी एक लक्ष्यवेधी ट्वीट केले आहे. ते म्हणाले, जेंव्हा आमच्या मराठवाड्यासारख्या भागातल्या जिल्हा परिषद शाळेतली एखादी मुलगी ट्विटर किंवा गुगलची मुख्य कार्यकारी अधिकारी होईल तेंव्हा खरा आनंद.. असं ट्वीट केले आहे.