Short Circuit : ‘या’ चुका घरात शॉर्ट सर्किटला कारणीभूत ठरू शकतात, अशी बाळगा सावधगिरी
आयुष्यात कधी ना कधी आपल्या सगळ्यांनाच आपल्या घरात किंवा ऑफिसमध्ये शॉर्ट सर्किटचा (Short Circuit) सामना करावा लागला असेल. ही समस्या कधीही उद्भवते, आणि त्यास सामोरे जाण्यासाठी इलेक्ट्रिशियनला बोलवावे लागते. काही वेळा शॉर्ट सर्किटमुळे अनेक तास वीजेशिवाय राहावे लागते. उन्हाळ्यात ही समस्या अधिक दिसून येते. चला तर मग जाणून घेऊया कोणत्या कारणांमुळे इलेक्ट्रिक शॉर्ट सर्किट होते आणि आपल्या घरात शॉर्ट सर्किट होऊ नये म्हणून कोणती खबरदारी घेतली पाहिजे.
इलेक्ट्रिक शॉर्ट सर्किट कसे होते?
आपल्या सर्वांना माहित आहे की घराच्या इलेक्ट्रिकल सर्किटमध्ये खूप जास्त करंट वाहू लागतो, त्यामुळे वायर्सच्या इन्सुलेशन मटेरियलला आग लागते आणि दोन्ही वायर एकमेकांना चिकटून राहतात, त्यामुळे शॉर्ट सर्किटची समस्या उद्भवते.
शॉर्ट सर्किट कशामुळे होते:
1. जेव्हा एकाच सॉकेटला अनेक उपकरणे जोडलेली असतात किंवा उच्च व्होल्टेजची उपकरणे कमी पॉवरच्या सॉकेटला जोडलेली असतात, तेव्हा तारांमधील विजेचा प्रवाह अचानक वाढतो, जे शॉर्ट सर्किटचे मुख्य कारण आहे.
2. सर्किटमध्ये वापरल्या जाणार्‍या तारांचे इन्सुलेशन जळले किंवा वापरलेल्या सदोष उपकरणामुळे थेट वायर आणि न्यूट्रल वायर थेट संपर्कात आल्यास, सर्किटमध्ये विद्युतप्रवाह वाढतो आणि शॉर्ट सर्किट होते.
शॉर्ट सर्किट कसे टाळायचे:
1. वापरानंतर सॉकेटमधून उपकरणे अनप्लग करा.
2. प्लग काढताना दुसऱ्या हाताने सॉकेट धरा.
3. उपकरणांचे प्लग आणि पॉवर कॉर्ड पाणी आणि आगीपासून दूर ठेवा.
4. एकाच सॉकेटमध्ये अधिक उपकरणे वापरण्यासाठी मल्टी प्लग वापरा.
5. AC, फ्रीज, वॉशिंग मशिन इत्यादी सारखी उपकरणे फक्त 16 अँपिअर पॉवर सॉकेटमध्ये प्लग करा.
6. ज्यांची केबल खराब झाली आहे अशा उपकरणांची दुरुस्ती करू नका किंवा वापरू नका.
7. कार्पेट किंवा रग इत्यादीखाली केबल कधीही पसरवू नका.
8. अशा सॉकेट्स बदला किंवा वापरू नका, ज्यात जळालेले डाग किंवा वास असेल.