आपल्या वक्तव्यांसाठी ओळखली जाणारी बॉलिवूड अभिनेत्री स्वरा भास्कर (Swara Bhaskar) सध्या पुन्हा एकदा चर्चेत आहे. नुकत्याच प्रदर्शित झालेल्या विकी कौशल आणि रश्मिका मंदाना यांच्या ‘छावा’ चित्रपटावरील स्वराच्या विधानानंतर तिला सर्व बाजूंनी विरोध होत होता. स्वराला सोशल मीडियावर ट्रोल केले जात आहे. आता स्वराने तिच्या विधानाबाबत स्पष्टीकरण दिले आहे.
छावा आणि महाकुंभातील चेंगराचेंगरीबाबत स्वरा भास्करने (Swara Bhaskar) काही दिवसांपूर्वी एक विधान केले होते, त्यानंतर लोक खूप संतापले होते. स्वराने ‘छावा’ चित्रपटातील मुघलांच्या अत्याचारांची तुलना महाकुंभातील चेंगराचेंगरीशी केली होती, ज्यामुळे वाद निर्माण झाला होता. आता ट्रोल झाल्यानंतर त्यांनी स्पष्टीकरण दिले आहे आणि माफी मागितली आहे.
ट्रोल झाल्यानंतर स्पष्टीकरण दिले
जेव्हा स्वरा भास्करला ट्रोल केले जाऊ लागले तेव्हा तिने स्पष्टीकरण दिले आणि माफीही मागितली. तिने तिच्या x पोस्टमध्ये लिहिले आहे की, माझ्या ट्विटमुळे वादविवाद आणि गैरसमज निर्माण झाले आहेत. निःसंशयपणे, मी छत्रपती शिवाजी महाराजांच्या शौर्यपूर्ण वारशाचा आणि योगदानाचा आदर करते, विशेषतः सामाजिक न्याय आणि महिलांबद्दलच्या त्यांच्या विचारांचा. स्वराने तिच्या जुन्या विधानाबाबत स्पष्टीकरणही दिले. तिने पुढे लिहिले, “माझं म्हणणं असं आहे की आपल्या इतिहासाचे गौरव करणे खूप चांगले आहे, परंतु कृपया वर्तमान काळातील चुका आणि अपयश लपवण्यासाठी भूतकाळातील गौरवाचा गैरवापर करू नका. ऐतिहासिक समजुतीचा वापर नेहमीच लोकांना एकत्र करण्यासाठी केला पाहिजे, फूट पाडण्यासाठी आणि सध्याच्या समस्यांपासून लक्ष विचलित करण्यासाठी नाही.
My tweet has generated much debate & avoidable misunderstanding. Without any doubt I respect the brave legacy and contribution of Chhatrapati Shivaji Maharaj.. especially his ideas of social justice & respect for women.
My limited point is that glorifying our history is great… https://t.co/YKk1QgiQRG— Swara Bhasker (@ReallySwara) February 21, 2025
स्वरा भास्करने लोकांची माफी मागितली
स्वरा पुढे लिहिते, “जर माझ्या मागील ट्विटमुळे कोणाच्या भावना दुखावल्या असतील तर मी त्याबद्दल माफी मागते. इतर कोणत्याही अभिमानी भारतीयाप्रमाणे मलाही आपल्या इतिहासाचा अभिमान आहे. आपण इतिहासाच्या आधारे एकत्र आले पाहिजे आणि चांगल्या आणि न्याय्य भविष्यासाठी लढण्याची ताकद शोधली पाहिजे. ”
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
मनसे नेत्यांना शिवसेनेत आणण्याचा प्रयत्न? राज ठाकरे संतापले!
शरद पवारांचं राजकारणातलं स्टेटस मोदींपेक्षा मोठं, पंतप्रधानांच्या त्या कृतीनंतर राऊतांची प्रतिक्रिया
आमदार रवींद्र धंगेकर शिवसेनेत जाणार? भगव्या स्टेटसने राजकीय चर्चांना उधाण
