बंडखोर आमदारांच्या घोडेबाजाराची किंमत ५० कोटी हे खरे आहे का ? – राष्ट्रवादी
मुंबई – बंडखोर आमदारांच्या घोडेबाजाराची किंमत ५० कोटी हे खरे आहे का ? कुणी दिले ? असा थेट सवाल राष्ट्रवादी काँग्रेसचे राज्य मुख्य प्रवक्ते महेश तपासे यांनी ट्वीट करत उपस्थित केला आहे. याठिकाणी आयकर विभाग आणि ईडीने छापे टाकल्यास काळ्या पैशाचे स्तोत्र उघडकीस येईल असेही महेश तपासे यांनी म्हटले आहे.
शिवसेना बंडखोर आमदारांचे सुरत आणि गुवाहाटी येथील हॉटेलची बिले कोण भरत आहेत ?, स्पाईस जेट विमानाचे बिल कुणी भरले ? असे अनेक प्रश्न महेश तपासे यांनी उपस्थित केले आहेत.
बंडखोर आमदार यांचे सुरत / गुवाहाटी येथील हॉटेलची बिल कोण भरत आहे ?, स्पाईस जेट विमानाचे बिल कोणी भरले ?
आमदार घोडेबाजाराची किंमत ५० कोटी हे खरे आहे का ? कोणी दिले ?
आयकर विभाग/ ईडी ने छापे टाकल्यास काळा पैशाचे स्तोत्र उघडकीस येईल.— Mahesh Bharet Tapase महेश भारत तपासे (@maheshtapase) June 25, 2022