पत्राचाळ घोटाळाप्रकरणी संजय राऊत यांच्यावर कारवाई केल्यानंतर मराठी पत्रकारांच्या प्रतिक्रिया वाचल्या का ?
मुंबई – मुंबई – माजी मुख्यमंत्री उद्धव ठाकरेंचे (Uddhav Thackeray) आणि राष्ट्रवादीचे नेते शरद पवार यांचे अत्यंत जवळचे आणि विश्वासू नेते अशी ओळख असलेले संजय राऊत (Sanjay Raut Case) यांना अखेर ईडीकडून अटक करण्यात आली आहे. रविवारी मध्यरात्री १२ वाजून ४० मिनिटांनी संजय राऊत यांना अटक करण्यात आली.
गोरेगावातील पत्रा चाळ जमीन घोटाळा प्रकरणात ईडीने खासदार संजय राऊत यांना अटक केली. संजय राऊत यांना अटक केल्यानं शिवसेनेला मोठा झटका मानला जात आहे. मनी लाँडरिंग केल्याच्या आरोपाखाली ही कारवाई करण्यात आली आहे. संजय राऊतांच्या अटकेनंतर आता राजकीय वर्तुळातून पडसाद उमटू लागले आहेत. सोबतच पत्रकारांनी देखील या मुद्द्यावर भाष्य केले आहे. अनेकांनी या मुद्द्यावरून भाजपला लक्ष्य केले आहे. पाहूयात काही निवडक प्रतिक्रिया.
संजय राऊत यांच्यावरची ईडीची कारवाई ही भाजपची उद्धव ठाकरे यांनी शिंदे गटाबरोबर जाण्यासंदर्भातली शेवटची ॲाफर असल्याची चर्चा आहे. म्हणजे this is a last call for Uddhav Thackeray to patch up with BJP. आता बघायचं आहे की मातोश्री म्हणजेच उद्धव ठाकरे किती भक्कमपणे भाजप समोर उभे राहतात!
— Ashish Jadhao 🇮🇳 (@ashish_jadhao) July 31, 2022
संजय राऊत यांच्यावर ईडी कारवाई करुन मोदी-शहा यांनी एक प्रकारे आपला कोतेपणा मान्य केला आहे. केवळ शिंदे गट फोडून शिवसेना संपणार नाही याची ही कबुली आहे.
ईडीपुढे झुकायला नकार देऊन संजय राऊत यांनी शिवसैनिकांना संघर्षाची दिशा दाखवलीय.— nikhil wagle (@waglenikhil) July 31, 2022
संजय राऊत मातोश्री बाजूने लढले..
आदित्य ठाकरे वर होणारे आरोप, महाविकास आघाडी सरकार डिफेंड करणारा आवाज ..
अखेरीस इडी कारवाई होत आहे…
महाराष्ट्रातील विरोधकांवर होणारी ही शेवटची कारवाई असेल? #loudmessage https://t.co/CSryNz2Ek8— Rashmi Puranik (@Marathi_Rash) July 31, 2022
बाकी भाजपात गेल्यावर ईडी, सीबीआय, आयकर कारवाई झाल्याचे, होती ती कारवाई पुढे चालुच राहिल्याचे एकही उदाहारण नाही. असल्यास कळवावे….
— Rahul Kulkarni (@RahulAsks) July 31, 2022
मुक्तपीठनं पत्राचाळीतील रहिवाशांच्या व्यथाही मांडल्या. माझ्या ट्वीटमध्ये राऊतांच्या समर्थनार्थ काही नसताना केवळ भ्रष्ट्राचारविरोधी कारवाईतील दुटप्पीपणावर भाष्य केल्यानं विखारी प्रतिक्रिया देणाऱ्यांनी राज्यपालांनी केलेल्या महाराष्ट्राच्या अपमानावर अशाच प्रतिक्रिया दिल्या का?
— Tulsidas Bhoite (@TulsidasBhoite) July 31, 2022
सत्तेचा + यंत्रणांचा चांगला वापर आणि गैरवापर कसा करायचा हे माहिती असलेले तज्ञ नेते @BJP4India कडे आहेत + प्रसंगी ते अत्यंत ruthlessly काम करतात + अति ताणले की तुटते
याचा विसर @OfficeofUT @rautsanjay61 यांना पडला; त्याची मोठी किंमत त्यांना आणि @ShivSena ला आजतरी मोजावी लागत आहे. pic.twitter.com/JAWJLvKtiY— Sandeep Ramdasi (@sandeepramdasi) July 31, 2022
उध्दव ठाकरे यांचे राईट आणि शरद पवारांचे लेफ्ट हँड असलेल्या संजय राऊत यांना अटक झालीय. राजकीय गल्लीत सन्नाटा आहे. शरद पवारांचे दोन खास नेते आधीच जेल मध्ये आहेत. ही ठाकरे- पवारांचा दबदबा, धाक, रणनिती आणि राजकारण संपुष्टात आल्याची नांदी आहे.
— Ravindra Ambekar (@RavindraAmbekar) July 31, 2022