वाघ आता गरुड झेप घेणार आणि महाराष्ट्र शिवसेनेच्या कवेत येणार – संजय राऊत

नाशिक – राज्यात सत्तांतर घडवून आणणाऱ्या बंडाचे नेतृत्व करणारे मुख्यमंत्री एकनाथ शिंदे (Chief Minister Eknath Shinde) यांचा बालेकिल्ला असलेल्या ठाणे (Thane)  जिल्ह्यात शिवसेनेला धक्के बसू लागले आहेत. ठाणे महापालिकेतील शिवसेनेच्या ६७ पैकी ६६, तर नवी मुंबई पालिकेतील ३८ पैकी २८ माजी नगरसेवकांनी (By former corporators) शिंदे यांना पाठिंबा दिला आहे. त्यामुळे आता आमदारानंतर नगरसेवकही शिंदे गटात सामील होत आहेत.

आमदारांपाठोपाठ आता बंडखोरांमध्ये नगसेवकांची संख्या देखील झपाट्याने वाढत आहे. ठाणे, नवी मुंबई, कल्याण-डोंबवली आणि पुणे येथील नगरसेवक हे शिंदे गटात सहभागी होत आहे. मात्र, हे नगरसेवक नाहीतर माजी नगरसेवक असा उल्लेख संजय राऊत यांनी केला आहे. या महापालिकांवर आता प्रशासकाची नेमणूक झाली आहे. त्यामुळे जे गेले ते नगरसेवक नव्हते. शिवाय अशा अफवा पसरु नका असा सल्ला देऊन आता सर्व राज्य आपल्यासाठी रिकामे आहे. त्यामुळे वाघ आता गरुड झेप घेणार आणि महाराष्ट्र शिवसेनेच्या (Shivsena) कवेत येणार, असे म्हणत शिवसेना ही पक्ष संघटनेवरच भर देणार असल्याचे संकेत खासदार संजय राऊत (Sanjay Raut) यांनी दिले आहेत.

आता सर्व राज्य आपल्यासाठी रिकामं आहे. त्यामुळे वाघाच्या झेपेत महाराष्ट्र कवेत घेण्यासाठी शिवसेना पुढे आली आहे, असं म्हणत शिवसेना ही पक्ष संघटनेवरच भर देणार असल्याचे संकेत खासदार संजय राऊत यांनी दिले आहेत. पक्ष संघटन मजबूत करण्यासाठी राऊत हे नाशिक (Nashik ) दौऱ्यावर आहेत.