MI vs RCB: हेली मॅथ्यूज आणि ब्रंटच्या खेळीपुढे आरसीबी हतबल, मुंबईचा सलग दुसरा विजय
Mumbai Indians women vs Royal Challengers Bangalore women: महिला प्रीमियर लीग 2023 चा चौथा सामना मुंबई इंडियन्स आणि रॉयल चॅलेंजर्स बंगलोर यांच्यात मुंबईतील बेब्राउन स्टेडियमवर खेळला गेला. या सामन्यात आरसीबीची कर्णधार स्मृती मानधना हिने नाणेफेक जिंकून प्रथम फलंदाजी करण्याचा निर्णय घेतला. प्रथम खेळताना आरसीबी संघाने 18.4 षटकात 155 धावा केल्या आणि मुंबईला विजयासाठी 156 धावांचे लक्ष्य दिले.
विजयासाठी 156 धावांच्या लक्ष्याचा पाठलाग करताना मुंबई संघाने 14.2 षटकात 159 धावा केल्या आणि सामना 9 गडी राखून जिंकला. मुंबईचे फलंदाज हेली मॅथ्यूज आणि ब्रंट यांच्या झंझावाती खेळीसमोर आरसीबीचे गोलंदाज पूर्णपणे हतबल दिसत होते. हेलीने नाबाद 77 तर ब्रंटने नाबाद 55 धावा केल्या आणि दोघांनी 114 धावांची शतकी भागीदारी केली. हेलीने 38 चेंडूत एक षटकार आणि 13 धावा करत नाबाद 77 धावा केल्या, तर ब्रंटने 29 चेंडूत 1 षटकार आणि 9 चौकारांच्या मदतीने नाबाद 55 धावा केल्या. मुंबईचा हा सलग दुसरा विजय असला तरी आरसीबीचा हा सलग दुसरा पराभव आहे.
या सामन्यात भारतीय महिला संघाची कर्णधार हरमनप्रीत कौरने उपकर्णधार स्मृती मानधना हिच्यावर पूर्ण वर्चस्व गाजवले. मुंबई संघाने प्रथम गोलंदाजीमध्ये आरसीबीला 155 धावांत ऑलआऊट केले आणि त्यानंतर फलंदाजी करताना मुंबईच्या फलंदाजांनी 14.2 षटकात विजयासाठी 156 धावांचे लक्ष्य पार करत आरसीबीच्या गोलंदाजीचा जबरदस्त धुव्वा उडवला आणि सामना जिंकला. या लीगमधील मुंबई संघाचा हा सलग दुसरा विजय ठरला, तर आरसीबीला सलग दुसऱ्या सामन्यात पराभवाला सामोरे जावे लागले. दोन सामन्यांतील सलग दोन विजयांसह मुंबई संघाचे 4 गुण झाले असून हा संघ गुणतालिकेत अव्वल स्थानावर कायम आहे.