बॉलीवूड अभिनेता नसीरुद्दीन शाह (Naseeruddin Shah) अनेकदा लोकप्रिय मुद्द्यांवर आपले मत उघडपणे व्यक्त करतात. चित्रपटसृष्टी असो वा देश, ते विविद मुद्द्यांवर आपली मते ठामपणे मांडतात. नुकतेच एका मुलाखतीत त्यांनी देशातील मुस्लिमांबद्दल आणि पंतप्रधान नरेंद्र मोदींबद्दल बरेच काही सांगितले आहे. ज्याची सध्या खूप चर्चा होत आहे. अभिनेता म्हणतो की मुस्लिमांनी हिजाब आणि सानिया मिर्झाच्या स्कर्टची चिंता करणे थांबवून शिक्षणावर लक्ष केंद्रित केले पाहिजे.
नसीरुद्दीन शाह (Naseeruddin Shah) यांनी पत्रकार करण थापरला दिलेल्या मुलाखतीत सांगितले की, मला पंतप्रधान मोदींना एखाद्या दिवशी इस्लामिक टोपी घातलेले पाहायला आवडेल. यातून मुस्लिमांना संदेश जाईल की मोदींचे त्यांच्याशी कोणतेही वैर नाही. जर ते मुस्लिमांना याबाबत पटवून देऊ शकले तर त्यांना खूप मदत होईल.
नसीरुद्दीन शाह पुढे म्हणाले, मोदी गेल्या अनेक वर्षांपासून कमी समजूतदार गोष्टी बोलत आहेत. पंतप्रधानांना देवाने पाठवले आहे किंवा ते स्वतःच देव आहेत असे मानत असतील तर सगळ्यांना त्याची भीती वाटायला हवी. अभिनेता म्हणाला की पीएम मोदींनी हे मान्य केले होते की ते आयुष्यभर पंतप्रधान राहतील, परंतु आता त्यांना सत्ता वाटून घ्यावी लागेल, ही त्यांच्यासाठी कटू गोष्ट असेल.
नसीरुद्दीन शाह यांनी मुस्लिम समाजाच्या बंधुत्वाशी संबंधित मुद्द्यांवर अधिक भर दिला. ते म्हणाले, मुस्लिमांनी मदरशांच्या ऐवजी शिक्षण आणि नवीन विचारांची चिंता करावी. मोदींना विरोध करणे खूप सोपे आहे. सत्य हे आहे की मोदी सत्तेवर येण्यापूर्वीच या देशात बरेच काही चुकीचे होते. आपल्या देशात धर्मांमध्ये नेहमीच वैराची भावना राहिली आहे.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
