काँग्रेसच्या माजी अध्यक्षा सोनिया गांधी यांची तब्येत बिघडली, सर गंगाराम रुग्णालयात केले भरती
नवी दिल्ली- काँग्रेसच्या माजी अध्यक्षा सोनिया गांधी (Sonia Gandhi) यांना तब्येतीची समस्या भेडसावत आहे. गुरुवारी (02 फेब्रुवारी) त्यांची तब्येत अचानक बिघडली, त्यामुळे त्यांना सर गंगाराम रुग्णालयात दाखल करण्यात आले. रुग्णालयाने दिलेल्या माहितीनुसार, 76 वर्षीय सोनिया गांधी यांची प्रकृती सध्या स्थिर आहे.
रुग्णालयाने जारी केलेल्या हेल्थ बुलेटिनमध्ये सोनिया गांधी यांना ताप आल्याने हॉस्पिटलमध्ये दाखल करण्यात आल्याचे सांगण्यात आले आहे. त्यांच्या तब्येतीवर देखरेख केली जात आहे. सर गंगाराम हॉस्पिटलच्या ट्रस्ट सोसायटीचे अध्यक्ष डॉ. डी.एस. राणा म्हणाले, “काँग्रेसच्या माजी अध्यक्षा सोनिया गांधी यांना 2 मार्च 2023 रोजी छाती औषध विभागाचे वरिष्ठ सल्लागार डॉ. अरुप बसू आणि त्यांच्या टीमच्या मार्गदर्शनाखाली सर गंगाराम हॉस्पिटलमध्ये दाखल करण्यात आले. त्यांना ताप आहे. त्यांच्यावर देखरेख आणि तपासणी केली जात आहे. सध्या त्यांची प्रकृती स्थिर आहे.”
या वर्षी दुसऱ्यांदा रुग्णालयात दाखल
सोनिया गांधी यांना रुग्णालयात दाखल करण्याची ही या वर्षात दुसरी वेळ असल्याची माहिती आहे. जानेवारीच्या सुरुवातीला सोनिया गांधी यांना श्वसनमार्गाच्या विषाणू संसर्गावर उपचारासाठी दिल्लीतील रुग्णालयात दाखल करण्यात आले होते.