Personality Test: तुमच्या करंगळीवरून कळते तुमचे व्यक्तीमत्त्व, बघा तुमची पर्सनॅलिटी कशी आहे
आपले शरीर आपल्या व्यक्तिमत्त्वाबद्दल बरेच काही सांगते. हातापासून पायांपर्यंत आपल्या शरीराचे सर्व अवयव काही ना काही बोलतात. हाताची करंगळी आपल्या व्यक्तिमत्त्वाबद्दल खूप काही सांगून जाते. या लेखात, आम्ही तीन प्रकारच्या करंगळींबद्दल सांगणार आहोत. त्यापैकी ज्या बोटाशी तुमचे बोट जुळेल, तुमचे व्यक्तिमत्व तेच असेल. चला तर मग, सुरुवात करूया…
(१) करंगळी अनामिकापेक्षा लांब
जर तुमची करंगळी (Little Finger) अनामिकापेक्षा (Ring Finger) लांब असेल तर तुम्ही खूप दानशूर व्यक्ती आहात. कोणालाही काहीही देण्याआधी स्वतःचा विचार करणार नाही आणि नि:स्वार्थपणे वागाल. अशी व्यक्ती नि:स्वार्थी असेल, परंतु त्याचवेळी तो व्यक्ती समजदार देखील असेल. जर तुमचे बोट अनामिकापेक्षा लांब असेल तर तुम्ही सर्वांचे ऐका, पण नीट विचार करा आणि तुमच्या समजुतीनुसार निर्णय घ्या. असे बोट असलेले लोक आत्मविश्वासाने भरलेले असतात. या लोकांना ते जसे आहेत तसे दिसायला आवडते, कृत्रिमता या लोकांना आवडत नाही.
(२) करंगळी अनामिकापेक्षा खूपच लहान
जर करंगळी अनामिकापेक्षा लहान असेल तर तुम्ही खूप भावनिक व्यक्ती आहात. असे लोक इतरांप्रती दयाळूपणे वागतात, गरीब आणि दीनांना मदत करतात. स्वतःच्या इच्छा सोडून ते इतरांच्या इच्छा पूर्ण करण्याचा प्रयत्न करतात. अशा लोकांना खूप आदर आणि प्रेम मिळते.
(३) करंगळी अनामिकेच्या समान
अनामिका आणि करंगळी समान असल्यास, त्यांच्या लांबीमध्ये फारसा फरक नसल्यास, तुम्ही खूप संतुलित व्यक्ती आहात. अशी बोटे असलेले लोक सर्वांशी शांतीने वागतात. हे लोक शांत स्वभावाचे असतात आणि मारामारीपासून दूर राहणे पसंत करतात. ते अडचणींवर सहज मात करतात, त्यांच्या ध्येयांवर लक्ष केंद्रित करतात आणि त्यांच्या लक्ष्यापासून सहज दूर जात नाहीत.