UPSE CSE Result : केंद्रीय लोकसेवा आयोगाने (UPSC) आज, २२ एप्रिल रोजी नागरी सेवा परीक्षेचा (CSE) अंतिम निकाल जाहीर केला. युपीएससीने अधिकृत वेबसाइटवर अंतिम निकाल जाहीर केले. निकालाच्या यादीत नियुक्तीसाठी निवडलेल्या उमेदवारांची नावे नमूद केली असतील. पुण्याच्या अर्चित पराग डोंगरे (Archit Dongre) यांचा अखिल भारतीय रँक (AIR) परीक्षेत तिसरा क्रमांक आला आहे.
देशातील सर्वात स्पर्धात्मक परीक्षांपैकी एक म्हणून ओळखल्या जाणाऱ्या, UPSC CSE मध्ये दरवर्षी लाखो इच्छुकांचा सहभाग असतो. ही परीक्षा भारतीय प्रशासकीय सेवा (IAS), भारतीय पोलिस सेवा (IPS), भारतीय परराष्ट्र सेवा (IFS), भारतीय महसूल सेवा, भारतीय व्यापार सेवा आणि इतर गट A आणि B केंद्रीय सेवांसारख्या प्रतिष्ठित पदांसाठी प्रवेशद्वार म्हणून काम करते.
निवड प्रक्रियेत तीन टप्पे असतात – प्रारंभिक, मुख्य आणि व्यक्तिमत्व चाचणी (मुलाखत). तिन्ही टप्प्यांमधील उमेदवारांच्या कामगिरीच्या आधारे अंतिम गुणवत्ता यादी तयार केली जाते.
२०२४ च्या भरती परीक्षेच्या सत्रात, मुलाखत फेरी ७ जानेवारी रोजी सुरू झाली आणि १७ एप्रिल रोजी संपली. या भरती मोहिमेद्वारे एकूण १,१३२ रिक्त जागा भरल्या जातील.
२०२३ मध्ये, मुलाखती ९ एप्रिल रोजी संपल्या आणि अंतिम निकाल एका आठवड्यानंतर १६ एप्रिल रोजी प्रकाशित झाला. मागील ट्रेंड्सनुसार, २०२४ चे अंतिम निकाल देखील लवकरच जाहीर होण्याची अपेक्षा आहे.
यूपीएससी सीएसई अंतिम निकाल २०२४ : यावर्षीचे टॉपर्स
१. शक्ती दुबे
२. हर्षिता गोयल
३. डोंगरे अर्चित पराग
४. शाह मार्गी चिराग
५. आकाश गर्ग
६. कोमल पुनिया
७. आयुषी बन्सल
८. राज कृष्णा झा
९. आदित्य विक्रम अग्रवाल
१०. मयंक त्रिपाठी
