रिलायन्स फाऊंडेशन 5000 हून अधिक विद्यार्थ्यांना शिष्यवृत्ती देणार, जाणून घ्या कुणाला मिळणार लाभ
चालू शैक्षणिक सत्रात प्रवेश घेतलेल्या अंडरग्रेजुएट (यूजी) आणि पोस्ट ग्रॅज्युएट (पीजी) विद्यार्थ्यांसाठी चांगली बातमी आहे.रिलायन्स फाऊंडेशनने शैक्षणिक सत्र 2022-23 साठी UG-PG विद्यार्थ्यांसाठी 2 लाख ते 6 लाख रुपयांपर्यंतची शिष्यवृत्ती जाहीर केली आहे.यावेळी रिलायन्स फाऊंडेशन 5,000 गुणवत्ताधारक अंडरग्रेजुएट विद्यार्थ्यांना प्रवेशासाठी 2 लाख रुपयांपर्यंतची शिष्यवृत्ती देईल.याशिवाय 100 गुणवंत पदव्युत्तर विद्यार्थ्यांना फाउंडेशन 6 लाख रुपयांपर्यंतची शिष्यवृत्ती देईल. निवडलेली मेरिट-कम-मीन्स शिष्यवृत्ती विद्यार्थ्याच्या संपूर्ण अभ्यास कालावधीसाठी असेल.UG-PG अभ्यासक्रमांच्या प्रथम वर्षाच्या विद्यार्थ्यांना 14 फेब्रुवारी 2023 पर्यंत रिलायन्स फाउंडेशनच्या मेरिट-कम-मीन्स स्कॉलरशिपसाठी अर्ज करण्याची संधी आहे. पात्र उमेदवार रिलायन्स फाऊंडेशनच्या अधिकृत वेबसाइट, Scholarships.reliancefoundation.org वर भेट देऊन अर्ज करू शकतात.
या शिष्यवृत्तीचे उद्दिष्ट विद्यार्थ्यांना यशस्वी व्यावसायिक बनणे आणि त्यांची स्वप्ने साकार करणे हा आहे.ज्या विद्यार्थ्यांच्या पालकांचे उत्पन्न 15 लाख रुपयांपेक्षा कमी आहे आणि ते शैक्षणिक सत्र 2022-23 मध्ये UG किंवा PG च्या आधीच्या वर्षात आहेत ते मेरिट कम मीन्स स्कॉलरशिपसाठी अर्ज करू शकतात. रिलायन्स फाऊंडेशनच्या शिष्यवृत्ती कार्यक्रमाचा उद्देश मुलींना आणि दिव्यांग विद्यार्थ्यांना प्रोत्साहन देणे हा आहे. शिष्यवृत्तीच्या रकमेव्यतिरिक्त, रिलायन्स फाऊंडेशनची ही शिष्यवृत्ती विद्यार्थ्यांना माजी विद्यार्थ्यांना भेटण्याची आणि एक चांगली समर्थन प्रणाली विकसित करण्याची संधी देईल.
रिलायन्स फाऊंडेशन पदव्युत्तर शिष्यवृत्ती सर्वांसाठी खुली आहे. यासाठी कोणीही अर्ज करू शकतो. पीजी मेरिट स्कॉलरशिपचे उद्दिष्ट भविष्याचे नेतृत्व करणाऱ्या तरुणांना ओळखणे आणि भविष्यातील आव्हानांना सामोरे जाण्यासाठी त्यांना तयार करणे हा आहे.पीजी मेरिट स्कॉलरशिपसाठी अर्ज केलेल्या उमेदवारांना अनेक टप्प्यांतून जावे लागेल.ज्यामध्ये तज्ज्ञांच्या मुलाखतींचाही समावेश आहे.सर्व टप्प्यांतील १०० यशस्वी उमेदवारांची रिलायन्स फाऊंडेशनद्वारे पीजी मेरिट कम मीन्स स्कॉलरशिपसाठी निवड केली जाईल.
शैक्षणिक सत्र 2022-23 मध्ये कंप्यूटर साइंस (Computer Science), आर्टिफिशियल इंटेलीजेंस (Artificial Intelligence), मैथमेटिक्स आणि कंप्युटिंग (Mathematics and Computing), इलेक्ट्रिकल और इलेक्ट्रॉनिंक इंजीनियरिंग किंवा इलेक्ट्रॉनिंक इंजीनियरिंग (Electrical and/or Electronics Engineering), केमिकल इंजीनियरिंग (Chemical Engineering), Mechanical Engineering , रिनुवेबल एंड न्यू एनर्जी (Renewable and New Energy), मैटेरियल साइंस एंड इंजीनियरिंग (Material Science and Engineering) आणि लाइफ सांइस (Life Sciences ) या विभागातील विद्यार्थी अर्ज करू शकतात. 12वी मध्ये मिळालेल्या गुणांच्या आधारे मेरिट कम मीन्स यूजी स्कॉलरशिपसाठी उमेदवारांची निवड केली जाईल.
पीजी कोर्सच्या पहिल्या वर्षात प्रवेश घेतलेले विद्यार्थी रिलायन्स फाऊंडेशनच्या मेरिट कम मीन्स स्कॉलरशिपसाठी देखील अर्ज करू शकतात.रिलायन्स फाऊंडेशन पदव्युत्तर शिष्यवृत्तीसाठी निवडलेल्या उमेदवाराला 6 लाख रुपयांपर्यंतची रक्कम मिळण्याव्यतिरिक्त तज्ञांना भेटण्याची, उद्योग जगताची आणि स्वयंसेवा करण्यासह सर्व आवश्यक अनुभव मिळवण्याची संधी मिळेल.