‘माझी मैना’ गाणं प्रेक्षकांच्या भेटीला! मोनालिसा आणि AJ ही नवीन जोडी पाहायला मिळणार

मुंबई : “हो तिची दुनिया ही न्यारी तिची स्टाईल पुराणी जशी आहे मनाची राणी… कधी राऊंड राऊंड फिरे साऊंड लाऊड लाऊड करे ति गाते मर्जिची गानी…आली लाली गाली माझी मैना आहे निराली…” या दोन-तीन ओळीत मैना कशी आहे हे प्रत्येकाला समजलंय, पण या मैनाला पाहण्यासाठी गेले कित्येक दिवस प्रेक्षक आतुर होते. अखेर, ती मनाची राणी, जी गाते मर्जिची गाणी अशी निराली मैना प्रेक्षकांपर्यंत पोहचलेली आहे एका नव्या गाण्याच्या माध्यमातून ज्याचे नाव आहे ‘माझी मैना’.

साईरत्न एंटरटेनमेंट प्रस्तुत, सुरेश गाडेकर निर्मित आणि संदेश गाडेकर सहनिर्मित ‘माझी मैना’ हे मराठी गाणं नुकतेच प्रदर्शित झाले आहे. या गाण्यातील मैना आहे अभिनेत्री मोनालिसा बागल आणि जो मैनेचं प्रेमाने आणि मनापासून कौतुक करतोय तो आहे AJ (Oye Its Prank). या गाण्याच्या निमित्ताने मोनालिसा आणि AJ ही नवीन जोडी पाहायला मिळणार आहे.

आपण सगळे AJ ला prankstar म्हणून ओळखतो पण माझी मैना या गाण्याच्या निमित्ताने AJ आपल्याला एक वेगळ्या रूपात दिसणार आहे. मोनालिसाने आतापर्यंत वेगवेगळ्या पठडीतील भूमिका साकारल्या आहेत, या गाण्याच्या निमित्ताने ती ख-या आयुष्यात जशी आहे तशीच या गाण्यात दिसणार आहे.

‘माझी मैना’ गाण्याचे दिग्दर्शन शुभम गोणेकर याने केले असून संगीत दिग्दर्शनाची जबाबदारी अमोल दाते आणि नितिन कुटे यांनी पेलली आहे. “दिलफेल सारे मागे माझ्या माझ्या दिलाचा तु रं राजा…. ति सोळा वर्षाची कोवळ्या स्पर्शाची चांदन माखून आली” गाण्याच्या या सुंदर ओळी आणि अर्थात संपूर्ण गाणं ऐकायला फार सुरेख वाटतं त्याचे कारण म्हणजे या गाण्याला लाभलेला आवाज. गायिका योगिता गोडबोले आणि गायक नितिन कुटे यांनी हे डुएट गाणं गायलं आहे. या गाण्यात शब्दांची सुंदर रचना, कानाला ऐकावेसे वाटतील असे गोड शब्द प्रशांत तिडके आणि नितिन कुटे यांनी मिळून लिहिले आहेत. नागेश नितरुडकर आणि राहुल धांडेकर हे या गाण्याचे डीओपी आहेत तर विनित गाडेकर आणि विराज गाडेकर यांनी प्रॉडक्शन हेड म्हणून काम पाहिले आहे.

साईरत्न एंटरटेनमेंटचं हे तिसरं गाणं असून या आधी जिंदगी साथ देते रे आणि आमची शाखा कुठंच नाही ही गाणी लोकप्रिय झाली आहेत. प्रत्येक गाण्याची थीम वेगळी असून ही गाणी अगदी कमी कालावधीत लोकांच्या ओठांवर रुळली आहेत. अशीच वेगवेगळी गाणी आणि कलाकार ऑडियन्सच्या समोर आणण्याचा साईरत्न एंटरटेनमेंट चा मानस आहे. निराळ्या अशा मैनेच्या प्रेमात पडण्यासाठी आणि तिच्यावर प्रेमाचा वर्षाव करण्यासाठी नक्की ऐका ‘माझी मैना’ साईरत्न एंटरटेनमेंट या युट्युब चॅनेलवर.