मुंबई – मुंबईत ‘बेस्ट’ बसच्या नॅशनल कॉमन मोबिलिटी कार्डचे (National Common Mobility Card) लोकार्पण मुख्यमंत्री उद्धव ठाकरे ( Uddhav Thackeray ) यांच्या हस्ते आणि उपमुख्यमंत्री अजित पवार (Ajit Pawar) यांच्या उपस्थितीत झाले. यानिमित्ताने हिंदुत्व, हनुमान चालिसा (Hanumaan Chalisa) अशा विविध मुद्द्यांचा समाचार उद्धव ठाकरे यांनी घेतला. विरोधकांवर सडकून टीका करतांना लवकरच जाहीर सभा घेणार असल्याचं ठाकरे यांनी यावेळी जाहीर केलं.
यावेळी विरोधकांचा समाचार घेताना उद्धव ठाकरे म्हणाले आहेत की, ‘हिंदुत्व (Hindutva) म्हणजे धोतर नाही, घालावं आणि सोडावं, बाबरी पाडली तेव्हा बिळात होतात. मला घंटाधारी हिंदुत्व नको आमचं गदाधारी हिंदुत्व आहे. लवकरच मी सभा घेणार आणि मास्क (Mask) बाजूला ठेवून मी बोलणार आहे.हे जे नकली हिंदुत्ववादी आलेत त्यांचा मला समाचार घ्यायचाय. ज्यांच्या पोटात मळमळत आहे, जळजळत आहेत, त्यांनी त्यांच्या राज्यात किती विकास केला हे सांगा, आम्ही त्यांना काडीची किंमत देत नाही..’असं ठाकरे म्हणाले.
दरम्यान, या टीकेला आता मनसेचे प्रवक्ते योगेश चिले (Yogesh Chile) यांनी प्रत्युत्तर दिले आहे. ते म्हणाले, उद्धवजी, सध्या शिवसेनेने हिंदूत्वाचं धोतर नाही तर हिंदूत्वाचा लेंगा घातला आहे… ज्याच्या नाड्या काँग्रेस-राष्ट्रवादीच्या (congress – NCP) हातात आहेत… जरा सांभाळुन रहा… तुमचे मित्र नॉटी (Naughty) आहेत… असं चिले यांनी म्हणत शेलक्या शब्दात उत्तर दिले आहे.
उद्धवजी, सध्या शिवसेनेने हिंदूत्वाचं धोतर नाही तर हिंदूत्वाचा लेंगा घातला आहे… ज्याच्या नाड्या काँग्रेस-राष्ट्रवादीच्या हातात आहेत… जरा सांभाळुन रहा… तुमचे मित्र "नॉटी" आहेत…#Hindu @OfficeofUT @SandeepDadarMNS @mnsadhikrut @TV9Marathi @ShivSena pic.twitter.com/tS1R4rPKuI
— Yogesh J Chile (योगेश चिले) (@chileyog) April 26, 2022
