‘अमित ठाकरेंना हनुमान चालिसा बोलायला लावा, मला एकही बहुजन पोरगा तिकडे नकोय’

मुंबई – मनसे अध्यक्ष राज ठाकरे (Raj Thackeray) यांच्या मुलाला सुजात आंबेडकर यांनी खुलं आव्हान दिलं आहे. मशिदीवरील भोंग्यांवर राज ठाकरे यांनी केलेल्या वक्तव्याचा सुजात आंबेडकर (Sujat Ambedkar on Amit Thackeray) यांनी खरपूस समाचार घेतलाय.

राज ठाकरेंनी गुढी पाडव्याच्या दिवशी केलेल्या भाषणात मशिदींवरील भोंग्यावर निशाणा साधत वक्तव्य केलं होतं.राज ठाकरेंच्या वक्तव्याला पूर्णपणे पाठिंबा आहे, पण त्याआधी अमित ठाकरेंनी हनुमान चालीसा (Hanuman Chalisa) म्हणून दाखवावी, मला एकही बहुजन पोरगा तिकडे नकोय असं आव्हान सुजात आंबेडकर यांनी दिलं आहे.

मशिदींवर मोठ्या आवाजात भोंगे लावले, तर मी तिथे हनुमान चालीसा म्हणायला लावेन, असं राज ठाकरेंनी म्हटलं होतं. राज ठाकरेंच्या या वक्तव्यावर सुजात यांनी निशाणा साधत राज ठाकरे आणि मनसेवर टीका केली आहे. तुमचा संपलेला पक्ष हिंदू मुस्लीम दंगलीवर उभा नका करू, एवढी कळकळीची विनंती आहे, असेही ते म्हणाले.