हाफकीन माणसाबद्दल बोललेलं दाखवा, मी ताबडतोब राजीनामा देतो : तानाजी सावंत

सोलापूर – पुण्याच्या ससून रुग्णालयात (Sasoon Hospital) औषधे वेळेवर मिळत नसल्याचा मुद्दा समोर आला होता. तेव्हा दौऱ्यात ‘हाफकीन’ या माणसाकडून औषधे घेऊच नका. असं राज्याचे सार्वजनिक आरोग्यमंत्री तानाजी सावंत (Tanaji Sawant) म्हटल्याचं वृत्त माध्यमांनी दिलं होतं. त्यावर सोलापूर दौऱ्यावर आलेल्या मंत्री सावंत यांना प्रश्न विचारल्यावर त्यांनी संताप व्यक्त केला आहे.

हाफकीन कोण आहे? असा प्रश्न विचारताच तानाजी सावंत पत्रकारांवर भडकले. मी तसं काही बोललोच नाही. उगीचच माझ्या विरोधात माध्यमांनी बदनामी सुरू केली आहे. हाफकीन माणसाबद्दल बोललेलं दाखवा, मी ताबडतोब राजीनामा देतो, असं चॅलेंज तानाजी सावंत यांनी दिलं. माध्यमांनी माझं शिक्षण बघावं, सोलापूरमध्ये शिक्षण झालं, त्यावेळेस मी टॉपचा विद्यार्थी होतो, असंही सावंत यावेळी म्हणाले.