ठाकरे सरकारकडून मुंबई पोलिसांची चेष्टा, दिवाळी बोनस म्हणून 750 रुपये
मुंबई : कोरोना काळात आपल्या जीवाचे रान करून काम करणाऱ्या पोलिसांची ठाकरे सरकारला खर्च कदर आहे का असा सवाल आज उपस्थित करण्याची वेळ आली आहे. कारण दिवाळी भेट देताना सरकारने मुंबई पोलिसांची मात्र चेष्टा केल्याचं पहायला मिळत आहे. कोरोना काळात दिवस-रात्र नागरिकांच्या सेवेसाठी रस्त्यावर उतरून कायदा व सुवस्थेचं काम पाहणाऱ्या मुंबई पोलिसांना सरकारने मात्र केवळ 750 रुपये दिवाळी भेट जाहीर केली आहे.
विशेष म्हणजे या बोनस साठी देखील सरकारने अनेक नियम अटी शर्थी ठेवल्या आहेत. मुंबई पोलिसांना दिवाळी भेटीच्या निमित्ताने सबसिडी कँटिनमधून त्याच्या नावे डेबिट व क्रेडिट कार्डवर 750 रुपये (प्रति कर्मचारी) इतक्या रकमेची खरेदी विनामूल्य करता येणार आहे. ही भेट पोलिसांसाठी असलेल्या पोलीस कल्याण निधीतून दिली जाणार आहे.
ठरलेल्या रक्कमेच्या वरती खरेदी केल्यास ते पैसे त्यांना स्वत: द्यावे लागणार आहे. हे पत्र मुंबई पोलीस आयुक्त हेमंत नगराळे यांच्या नावे काढण्यात आलं आहे. पालिका, बेस्ट कर्मचारी आणि इतर शासकीय कर्मचाऱ्यांना बोनस म्हणून चांगली रक्कम दिली जात असताना पोलिसांना मात्र 750 रुपये दिवाळी भेट देऊन सरकारने त्यांची चेष्टाच केली आहे.