भरधाव वेगातील बस दुभाजकाला धडकल्याने प्रवाशाचा मनकाच तुटला; चालकाविरुद्ध गुन्हा दाखल

पुणे – भरधाव वेगात जाणारी पीएमपी बस जोरात आदळल्याने एका प्रवाशाच्या मणक्यात गॅप पडला. त्यानंतर या प्रवाशांने पोलिसात धाव घेतली आणि चालकाविरुद्ध तक्रार दिली. पोलिसांनी संबंधित चालकावर याप्रकरणी गुन्हा दाखल करण्यात आला.

अस्लम कादर शेख असे गुन्हा दाखल झालेल्या चालकाचे नाव आहे. प्रवाशी राजू मोतीराम चिंचवडकर (वय 62) यांनी याप्रकरणी भारती विद्यापीठ पोलीस ठाण्यात तक्रार दिली आहे. 27 नोव्हेंबर रोजी ही घटना घडली.

याप्रकरणी पोलिसांनी दिलेल्या माहितीनुसार, फिर्यादी 27 नोव्हेंबर रोजी लोहगाव ते कात्रज या बसमधून प्रवास करत होते. बस कात्रज येथील सर्पउद्याना समोर आली असताना चालकाने वाहतुकीच्या नियमांकडे दुर्लक्ष करीत भरधाव वेगात बस चालवली.

समोर गतिरोधक असतानासुद्धा ब्रेक न लावल्याने त्यावरून तशीच बस नेल्याने बस जोरात आदळली आणि फिर्यादीच्या मणक्यात गॅप पडला. या घटनेला चालकच जबाबदार असल्याचा तक्रार फिर्यादी यांनी पोलिसात दिली होती. त्यानुसार पोलिसांनी गुन्हा दाखल केला आहे.

You May Also Like