‘बाबू’मध्ये पाहायला मिळणार ॲक्शनचा तडका!

'बाबू'मध्ये पाहायला मिळणार ॲक्शनचा तडका!

मुंबई : काही दिवसांपूर्वी ‘बाबू’ या चित्रपटाच्या चित्रीकरणाला सुरुवात झाली होती. त्याचे चित्रीकरण आता बऱ्यापैकी पूर्ण होत आले असून नुकताच या चित्रपटाचा ॲक्शन सिक्वेन्स चित्रित करण्यात आला. यात अभिनेता अंकित मोहनचे जबरदस्त ॲक्शन सीन्स असून त्यासाठी अंकितने बरीच मेहनत घेतल्याचे दिसत आहे. त्याच्या पिळदार शरीरयष्टीवरून त्याने घेतलेल्या मेहनतीचा अंदाज येतो. या वेळी अंकितसोबत अभिनेत्री रूचिरा जाधवही उपस्थित होती. ‘बाबू’मध्ये अंकित, रूचिरासोबत नेहा महाजनही दिसणार आहे.

‘बाबू’च्या भूमिकेविषयी अंकित मोहन म्हणतो, ‘’बाबू ही व्यक्तिरेखा अंकितच्या खूप जवळची आहे. आमच्यात खूप साम्य आहे. त्यामुळे ही व्यक्तिरेखा साकारताना मला फार मेहनत घ्यावी लागली नाही. परंतु यातील ॲक्शन सीन्ससाठी मी मेहनत घेतली आहे. मी मार्शल आर्ट, कलरीपयट्टू शिकलो असल्याने मला त्याचा इथे खूप फायदा झाला. याआधीही मी ॲक्शन सीन्स केले आहेत. मात्र ऐतिहासिक आणि अशा प्रकारच्या ॲक्शन सीन्समध्ये खूप फरक आहे. ऐतिहासिक ॲक्शन सीन्स करताना तुमच्या हातात हत्यार असते तर अशा प्रकारच्या ॲक्शन सीन्समध्ये हातच तुमचे हत्यार असते. परंतु या दोन्ही सीन्समध्ये नियंत्रण आणि काळजी या दोन्ही गोष्टी खूप महत्त्वाच्या आहेत. हे दोन्ही अनुभव मी घेतले आहेत. ‘बाबू’मधील ॲक्शन सीन्स मी खूप एन्जॅाय केले.’’

श्री कृपा प्रॅाडक्शन निर्मित ‘बाबू’ या चित्रपटाचे निर्माता बाबू के. भोईर असून दिग्दर्शक मयूर मधुकर शिंदे हे आहेत. ॲक्शन सीन्सचा भरपूर तडका असलेला ‘बाबू’ हा चित्रपट प्रेक्षकांचे मनोरंजन करण्यासाठी लवकरच चित्रपटगृहांमध्ये दाखल होणार आहे.

हे ही पहा:

Previous Post
samir wankhede - nawab malik (1)

खंडणी हा खूप घाणेरडा आणि खालच्या पातळीचा शब्द, वानखेडेंचा मलिकांना करारा जबाब !

Next Post
‘साक्षात धनलक्ष्मीचा वरदहस्त लाभलेल्या शहराला भाजपामुळे भ्रष्टाचाराची वाळवी लागली’

‘साक्षात धनलक्ष्मीचा वरदहस्त लाभलेल्या शहराला भाजपामुळे भ्रष्टाचाराची वाळवी लागली’

Related Posts

नागरिकांचा मागासवर्ग प्रवर्गाच्या जागा अनारक्षित करून 18 जानेवारीला मतदान

मुंबई – सर्वोच्च न्यायालयाच्या आदेशानुसार स्थानिक स्वराज्य संस्थांच्या स्थगित नागरिकांचा मागासवर्ग प्रवर्गाच्या निवडणुकांच्या जागा आता अनारक्षित करून त्या…
Read More
सलमान खानच्या घरावर गोळीबार करणाऱ्या आरोपींना तुरुंगात असलेल्या दाऊद इब्राहिम टोळीकडून धोका!

सलमान खानच्या घरावर गोळीबार करणाऱ्या आरोपींना तुरुंगात असलेल्या दाऊद इब्राहिम टोळीकडून धोका! | Salman Khan

बॉलिवूड अभिनेता सलमान खानच्या (Salman Khan) घरावर गोळीबार केल्याप्रकरणी लॉरेन्स बिश्नोई टोळीचे सदस्य विकी गुप्ता आणि सागर पाल…
Read More
patole- modi

डॉ. बाबासाहेब आंबेडकरांनी दिलेले संविधान संपविण्याचा केंद्रातील सत्ताधा-यांचा डाव : नाना पटोले

मुंबई – माणसाला माणूस म्हणून जगण्याचा अधिकार डॉ. बाबासाहेब आंबेडकर (Babasaheb Ambedkar) यांच्या संविधानाने दिला आहे. सर्व समाजाचे…
Read More