‘टॉप – ५ केसेस ट्रान्स्फर करण्याची मागणी होते… हे का करण्यात येतेय याचं उत्तर केंद्रसरकारने द्यावे’

'टॉप - ५ केसेस ट्रान्स्फर करण्याची मागणी होते... हे का करण्यात येतेय याचं उत्तर केंद्रसरकारने द्यावे'

मुंबई  – प्रायव्हेट आर्मीच्या माध्यमातून एनसीबीचे झोनल युनिट महाराष्ट्रात खोट्या केसेस करुन खंडणी उकळण्याचा धंदा करत असल्याचे सिध्द झाले असतानाच टॉप – ५ केसेस ट्रान्स्फर करण्याची मागणी होते हे का करण्यात येतेय याचं उत्तर केंद्रसरकारने द्यावे अशी मागणी राष्ट्रवादी काँग्रेसचे मुख्य राष्ट्रीय प्रवक्ते आणि अल्पसंख्याक मंत्री नवाब मलिक यांनी केली आहे.

देशाचे गृहमंत्री अमित शहा यांच्या आदेशानुसार राज्यसरकारच्या अंमली पदार्थ विरोधी पथकाकडील टॉप – ५ केसेस एनसीबीकडे देण्यात याव्यात असे पत्र महाराष्ट्राच्या डीजींना एनसीबीच्या डीजीने दिले असल्याचे समोर आल्यावर नवाब मलिक यांनी पुन्हा एकदा एनसीबीवर हल्लाबोल केला आहे. टॉप – ५ केसेसचा निकष दोन ग्रॅम… चार ग्रॅम… तीन टन की जास्त प्रसिद्धी मिळालेल्या केसेस असणार आहे? अशी विचारणाही नवाब मलिक यांनी केली आहे.

राज्यसरकार आपल्या युनिटच्या माध्यमातून कारवाई करतेय. जेवढं काम एनसीबीला करता येत नाही त्याच्या कितीतरी पटीने राज्यसरकारच्या अमली पदार्थ विरोधी पथकाने काम केले आहे. तुमचं युनिट आहे तर काम करा. काम करत नसेल तर एनसीबीचे युनिट बंद करा असेही नवाब मलिक म्हणाले.

राज्यसरकारचा अधिकार संपवण्याचा प्रयत्न केसेस ट्रान्स्फर करुन केला जातोय की एनसीबीमध्ये खंडणी उकळण्याचा धंदा सुरू होता आणि आता टॉप – ५ केसेसच्या माध्यमातून आणखी खंडणी उकळण्याचा प्रयत्न होतोय का? असा सवालही नवाब मलिक यांनी उपस्थित केला आहे.

आम्ही आमचं काम करतोय तुम्ही तुमचं काम करा… तुमची संस्था खरंच काम करतेय तर त्या २६ बोगस तयार करण्यात आलेल्या केसेसची चौकशी कधी होणार? निरपराध लोकांना फसवून अटक केली त्यांना कधी सोडणार याचे उत्तर द्या अशी प्रश्नांची सरबत्ती नवाब मलिक यांनी केली आहे.

Previous Post
गांधी कुटुंबाने देशासाठी त्याग केला, भाजपने देशासाठी काय केले ? नाना पटोले यांचा थेट सवाल 

गांधी कुटुंबाने देशासाठी त्याग केला, भाजपने देशासाठी काय केले ? नाना पटोले यांचा थेट सवाल 

Next Post
राजकीय पक्षांना मुस्लिमांची मते हवी आहेत पण त्यांना सत्तेत वाटा द्यायचा नाही - ओवेसी

राजकीय पक्षांना मुस्लिमांची मते हवी आहेत पण त्यांना सत्तेत वाटा द्यायचा नाही – ओवेसी

Related Posts
शाकिब अल हसनने सोडला सुटकेचा श्वास, त्या प्रकरणातून झाली सुटका? | Shakib Al Hasan

शाकिब अल हसनने सोडला सुटकेचा श्वास, त्या प्रकरणातून झाली सुटका? | Shakib Al Hasan

बांगलादेशचा महान क्रिकेटपटू शाकीब अल हसन (Shakib Al Hasan) सध्या 2 कसोटी सामन्यांच्या मालिकेसाठी भारतात आहे. मात्र काही…
Read More
T20 World Cup 2024 | कमिन्सची हॅटट्रिक आणि जुळून आला योगायोग, आता भारताला विश्वविजेता बनण्यापासून कोणीही रोखू शकत नाही!

T20 World Cup 2024 | कमिन्सची हॅटट्रिक आणि जुळून आला योगायोग, आता भारताला विश्वविजेता बनण्यापासून कोणीही रोखू शकत नाही!

ऑस्ट्रेलियाच्या पॅट कमिन्सने बांगलादेशविरुद्धच्या सुपर आठ टप्प्यातील सामन्यात या टी20 विश्वचषकाची (T20 World Cup 2024) पहिली हॅटट्रिक घेतली.…
Read More
मोठी बातमी! संजय राऊत यांना १५ दिवसांच्या तुरुंगवासाची शिक्षा, कारण काय? | Sanjay Raut

मोठी बातमी! संजय राऊत यांना १५ दिवसांच्या तुरुंगवासाची शिक्षा, कारण काय? | Sanjay Raut

Sanjay Raut | नेहमी आपल्या तिखट वक्तव्यांनी सत्ताधाऱ्यांना गप्पगार करणारे शिवसेना उबाठा पक्षाचे खासदार संजय राऊत (Sanjay Raut)…
Read More