New Delhi Railway Station Stampede | शनिवारी रात्री नवी दिल्ली रेल्वे स्थानकावर चेंगराचेंगरी झाली. यामध्ये १८ जणांचा मृत्यू झाला. गंभीर जखमींची संख्याही खूप जास्त असल्याने ही संख्या आणखी वाढू शकते. मृत्युमुखी पडलेल्यांमध्ये महिलांची संख्या जास्त आहे. दिल्ली पोलिसांच्या म्हणण्यानुसार, या अपघातात १४ महिलांचा मृत्यू झाला आहे. तर २५ हून अधिक लोक जखमी झाले आहेत.
खरे तर, महाकुंभासाठी जाणाऱ्या दोन गाड्या उशिराने धावत होत्या, त्यामुळे स्टेशनवर मोठ्या संख्येने लोक जमले होते. हे लोक त्यांच्या ट्रेनची वाट पाहत होते. दरम्यान, अचानक प्लॅटफॉर्म बदलण्याची घोषणा झाल्यामुळे लोक एका प्लॅटफॉर्मवरून दुसऱ्या प्लॅटफॉर्मवर धावू लागले, ज्यामुळे चेंगराचेंगरी झाली. प्रत्यक्षदर्शींच्या म्हणण्यानुसार, घटनेनंतर जखमींना मदत करण्यासाठी सुमारे ४५ मिनिटे लागली.
‘आम्ही स्वतः १५ मृतदेह उचलले’
घटनेच्या ठिकाणी उपस्थित असलेल्या एका कुलीने सांगितले की, ‘प्रयागराजला जाणारी ट्रेन प्लॅटफॉर्म क्रमांक १२ वरून प्लॅटफॉर्म क्रमांक १६ वर हलवण्यात आली तेव्हा लोक प्लॅटफॉर्म क्रमांक १६ कडे धावू लागले. अशा परिस्थितीत लोक पूल आणि एस्केलेटरवर अडकले. (Delhi Railway Station Stampede) आम्ही स्वतः १५ मृतदेह उचलले आहेत. प्रशासनातील लोक खूप कमी होते. प्रशासनाने ही आग असल्याचे समजून अग्निशमन दलाच्या गाड्या पाठवल्या होत्या.’
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
२०१९ पूर्वीच्या गाड्यांसाठी HSRP नंबर प्लेट बंधनकारक; ३१ मार्चची अंतिम मुदत
अरविंद केजरीवाल यांच्या अडचणीत वाढ, ‘शीशमहल’ प्रकरणी CVC चे चौकशीचे आदेश
