आज लखनऊच्या एकाना क्रिकेट स्टेडियमवर एलएसजी विरुद्ध आरसीबी सामना ( LSG vs RCB Match) आयोजित करण्यात आला आहे. हा सामना संध्याकाळी ७:३० वाजता खेळवला जाणार आहे, परंतु गुरुवारी पंजाब विरुद्ध दिल्ली सामन्याप्रमाणे भारत-पाकिस्तान तणावाच्या पार्श्वभूमीवर हा सामना देखील रद्द होईल का हा मोठा प्रश्न आहे. आयपीएलचे अध्यक्ष अरुण धुमल यांनी लखनौ सुपर जायंट्स विरुद्ध रॉयल चॅलेंजर्स बंगळुरू सामन्याबाबत महत्त्वाची माहिती दिली आहे.
पहलगाम हल्ल्यानंतर, भारताने ऑपरेशन सिंदूर अंतर्गत पाकिस्तानमधील ९ दहशतवादी अड्डे उद्ध्वस्त केले. यामुळे पाकिस्तानी सैन्य भडकले आणि त्यांनी सीमेवर सतत गोळीबार सुरू केला. गुरुवारी जम्मूसह अनेक ठिकाणी पाकिस्तानकडून ड्रोन हल्ले करण्यात आले, जे भारतीय सैन्याने पाडले. पठाणकोटमधील हल्ल्याच्या बातमीच्या पार्श्वभूमीवर, धर्मशाळेत खेळला जाणारा आयपीएल २०२५ चा ५८ वा सामना (पीबीकेएस विरुद्ध डीसी) थांबवण्यात आला आणि सर्व खेळाडूंना सुरक्षित हॉटेलमध्ये पाठवल्यानंतर, प्रेक्षकांनाही तेथून बाहेर काढण्यात आले.
पठाणकोट ते धर्मशाळा हे अंतर सुमारे ८५ किलोमीटर आहे, त्यामुळे खबरदारी म्हणून बीसीसीआयने तात्काळ सामना थांबवला आणि खेळाडूंना स्टेडियमपासून दूर पाठवले. आज आयपीएल २०२५ चा ५९ वा सामना लखनौच्या एकाना स्टेडियमवर लखनौ आणि रॉयल चॅलेंजर्स बंगळुरू यांच्यात खेळला जाणार आहे, जो आयपीएल प्लेऑफच्या दृष्टीने महत्त्वाचा आहे. जर आरसीबी जिंकला तर तो हंगामात प्लेऑफसाठी पात्र ठरणारा पहिला संघ बनेल, तर जर लखनौ हरला तर तो बाहेर पडेल.
आज एलएसजी विरुद्ध आरसीबी सामना होईल की नाही?
आज लखनौमध्ये होणारा आयपीएल सामना ( LSG vs RCB Match) रद्द झालेला नाही. याबद्दल विचारले असता, अरुण धुमाळ यांनी पीटीआयला सांगितले की, “हो, हा सामना सध्या तरी होईल, परंतु अर्थातच परिस्थिती बदलत आहे आणि कोणताही निर्णय सर्व भागधारकांचे हित लक्षात घेऊन घेतला जाईल.”
भारतीय सैनिकांनी पाकिस्तानचा ड्रोन हल्ला उधळून लावला असला तरी, त्यामुळे परदेशी खेळाडूंमध्ये निश्चितच भीती निर्माण झाली आहे. ऑस्ट्रेलियन माध्यमांमध्ये असे वृत्त येत आहे की पंजाबचे प्रशिक्षक रिकी पॉन्टिंगसह ऑस्ट्रेलियन खेळाडू लवकरात लवकर मायदेशी परतण्याची तयारी करत आहेत. दरम्यान, बीसीसीआयला लीग सुरू ठेवणे थोडे कठीण जाऊ शकते.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
पाकिस्तानला चांगलीच अद्दल घडली! भारताच्या एअर डिफेन्स सिस्टीमने 50 ड्रोन्स पाडले
ज्याने पाकिस्तानला सळो की पळो केलं ते एस-400 सिस्टीम नक्की आहे तरी काय?
धरणही उद्ध्वस्त! सर्जिकल स्ट्राइकनंतर भारताची पाकिस्तानला दुसरी जोरदार चपराक
