आंध्र प्रदेशातील अन्नमय्या जिल्ह्यात व्हॅलेंटाईन डे (१४ फेब्रुवारी) रोजी एका अल्पवयीन मुलीवर अ‍ॅसिड हल्ल्याची ( Acid attack) भयानक घटना उघडकीस आली आहे. आरोपी तरुण हा पीडितेचा वर्गमित्र होता. तिने त्याचा प्रस्ताव नाकारल्यानंतर, त्याने प्रथम मुलीवर चाकूने हल्ला केला आणि नंतर तिच्यावर अ‍ॅसिड फेकले. ही घटना गुरुमकोंडा मंडळातील पेरामपल्ली भागात घडली जिथे मुलगी पदवीचे शिक्षण घेत होती. गंभीर जखमी झालेल्या पीडितेला तातडीने सरकारी रुग्णालयात दाखल ( Acid attack) करण्यात आले.
या घटनेवर कडक भूमिका घेत मुख्यमंत्री एन चंद्राबाबू नायडू यांनी दोषींवर कठोर कारवाई करण्याचे आदेश दिले. त्यांनी आश्वासन दिले की सरकार पीडितेला सर्वोत्तम उपचार देईल आणि तिच्या कुटुंबाला सर्वतोपरी मदत करेल. मुख्यमंत्री म्हणाले, “हे कृत्य अस्वीकार्य आहे. राज्य सरकार अशा घटना अजिबात सहन करणार नाही आणि कठोर शिक्षा सुनिश्चित करण्यासाठी वचनबद्ध आहे.”
मंत्री लोकेश यांनी या प्रकरणावर चिंता व्यक्त केली
मानव संसाधन आणि आयटी मंत्री नारा लोकाश यांनी पीडितेच्या कुटुंबाशी संपर्क साधला आणि तिच्या प्रकृतीची विचारपूस केली. त्यांनी सोशल मीडियावर लिहिले की, “मी या बहिणीच्या पाठीशी उभा आहे आणि तिच्या लवकर बरे होण्यासाठी सर्वतोपरी मदत करेन. ज्या व्यक्तीने हा घृणास्पद गुन्हा केला आहे त्याला कठोर शिक्षा होईल. अशा गुन्हेगारांना समाजात स्थान नसावे.” लोकेश यांनी मंत्री मंडिपल्ली रामप्रसाद यांना रुग्णालयात पोहोचून पीडितेच्या उपचारांवर लक्ष ठेवण्याचे निर्देश दिले.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
शेतकऱ्यांना भिकारी म्हणणाऱ्या कृषीमंत्री माणिकराव कोकाटेंचा राजीनामा घ्या | Atul Londhe
मुलींच्या फी माफीसाठी चंद्रकांत पाटील ॲक्शन मोडवर, १०० महाविद्यालयांना अचानक भेट देणार
