‘झिम्मा’वर थिरकणार अवघा महाराष्ट्र…

'झिम्मा'वर थिरकणार अवघा महाराष्ट्र...

मुंबई : ‘झिम्मा’ चित्रपटाचा टिझर प्रदर्शित झाला आणि या चित्रपटाविषयची उत्सुकता प्रचंड वाढली. ‘झिम्मा’ कधी चित्रपटगृहात येतोय, याची प्रेक्षक आतुरतेने वाट पाहत असतानाच आता या चित्रपटाचे शिर्षकगीत प्रेक्षकांच्या भेटीला आले आहे. हे जबरदस्त गाणे प्रेक्षकांच्या पसंतीस उतरत आहे. “खेळू झिम्मा गं.…” हे या गाण्याचे बोल असून या मोन्टाज सॅान्गचे शब्द आणि चाल संगीतप्रेमींना थिरकवणारे आहे. ट्रेलरमध्येच या गाण्याची झलक आपण पाहिली आणि ऐकली आहे.

हे उत्स्फुर्तदायी गाणे वेगवेगळ्या वयोगटातील मैत्रिणींच्या प्रवासातील मजामस्तीवर चित्रित करण्यात आले आहे. त्यामुळे हे गाणे ऐकताना आपल्याला आपल्या सहलीची आणि मैत्रीची आठवण आल्यावाचून राहणार नाही. अमितराज यांनी या धमाल गाण्याला संगीत दिले असून वैशाली सामंत, मुग्धा कऱ्हाडे, आरती केळकर, सुहास जोशी यांनी हे गाणे गायले आहे. ‘चलचित्र कंपनी’ प्रस्तुत ‘अमेय विनोद खोपकर एंटरटेनमेंट’ आणि ‘क्रेझी फ्यू फिल्म्स’ निर्मित ‘झिम्मा’ चित्रपट १९ नोव्हेंबरला सर्व चित्रपटगृहांमध्ये प्रदर्शित होत आहे.

हेमंत ढोमे दिग्दर्शित ‘झिम्मा’ या चित्रपटात वेगवेगळ्या वयाच्या आणि वेगवेगळी पार्श्वभूमी असलेल्या स्त्रिया काही काळ जबाबदाऱ्या बाजूला ठेवत मनमुराद जगण्यासाठी इंग्लंड ला जातात आणि मग काय धम्माल होते, हे लवकरच प्रेक्षकांना ‘झिम्मा’मधून पाहायला मिळणार आहे. सिद्धार्थ चांदेकर, निर्मिती सावंत, सुहास जोशी, सुचित्रा बांदेकर, क्षिती जोग, सोनाली, सायली संजीव, मृण्मयी गोडबोले यांच्या प्रमुख भूमिका आहेत.

सिनेसृष्टीतील सात वेगळ्या धाटणीच्या अभिनेत्री एकाच चित्रपटात पाहायला मिळणे, ही प्रेक्षकांसाठी खरंच पर्वणी ठरणार आहे. या चित्रपटाचे लेखन इरावती कर्णिक यांनी केले असून छायाचित्रीकरण संजय मेमाणे यांनी केले आहे. क्षिती जोग यांच्यासोबत स्वाती खोपकर, अजिंक्य ढमाळ, विराज गवस, उर्फी काझमी, सनी शाह यांनी या चित्रपटाची निर्मिती केली आहे.

Previous Post
किरीट सोमय्या यांचा धडाका सुरूच; २७ तारखेला 'या' जिल्ह्याच्या दौऱ्यावर जाणार

किरीट सोमय्या यांचा धडाका सुरूच; २७ तारखेला ‘या’ जिल्ह्याच्या दौऱ्यावर जाणार

Next Post
MSEB

महावितरणच्या अधिकाऱ्यास धक्काबुक्की; थकबाकीदार वीजग्राहकाविरुद्ध गुन्हा दाखल

Related Posts
ग्रामविकास विभागाच्या भरतीप्रक्रियेतील उमेदवारांनी कोणत्याही प्रलोभनास बळी पडू नये - मंत्री गिरीश महाजन

ग्रामविकास विभागाच्या भरतीप्रक्रियेतील उमेदवारांनी कोणत्याही प्रलोभनास बळी पडू नये – मंत्री गिरीश महाजन

Girish Mahajan:- ग्रामविकास विभागाची संपूर्ण भरतीप्रक्रिया शासनाने मान्यता दिलेल्या आय.बी.पी.एस. या कंपनीमार्फत राबविण्यात येत आहे. त्यामुळे सदर परीक्षा…
Read More
शरद पवारांपुढे संतोष देशमुखांचं कुटुंब भावूक, गावकऱ्यांचाही आक्रोश

शरद पवारांपुढे संतोष देशमुखांचं कुटुंब भावूक, गावकऱ्यांचाही आक्रोश

राष्ट्रवादी काँग्रेस पक्षाचे प्रमुख शरद पवार (Sharad Pawar) यांनी आज बीड दौऱ्यात मस्साजोग येथे जाऊन मृत संतोष देशमुख…
Read More
सुझलॉन एनर्जीचा मोठा करार, चार महिन्यांत गुंतवणूकदार झाले मालामाल

सुझलॉन एनर्जीचा मोठा करार, चार महिन्यांत गुंतवणूकदार झाले मालामाल

Big contract to Suzlon Energy : सुझलॉन समूहाने इंटाग्राम एनर्जी इन्फ्रास्ट्रक्चरकडून 31.5 मेगावॅट पवन ऊर्जा प्रकल्पाचे कंत्राट मिळवले…
Read More