आज पहाटे 5 च्या सुमारास दिल्लीच्या इंदिरा गांधी आंतरराष्ट्रीय विमानतळाच्या (IGI विमानतळ) टर्मिनल-1 वर मोठा अपघात (Delhi airport accident) झाला. पावसामुळे टर्मिनलचे छत खाली उभ्या असलेल्या वाहनांवर पडल्याने काही लोक अडकले. मिळालेल्या माहितीनुसार, दिल्ली अग्निशमन सेवा (DFS) ची टीम घटनास्थळी आवश्यक मदत करत आहे. त्याचबरोबर या अपघातात आतापर्यंत एकाचा मृत्यू झाला असून 8 जण जखमी झाले आहेत.
हा अपघात शुक्रवारी पहाटे पाचच्या सुमारास आयजीआय विमानतळाच्या टर्मिनल वन येथे झाला. अपघाताची (Delhi airport accident) माहिती मिळताच अग्निशमन विभागाच्या चार अग्निशामक गाड्या मदत आणि बचावकार्यासाठी विमानतळावर पाठवण्यात आल्या.
अपघात कसा झाला?
पहाटे साडेपाच वाजता हा अपघात झाला. आतापर्यंत मिळालेल्या माहितीनुसार, पावसामुळे छताचा पत्रा खाली कोसळल्याने हा अपघात झाल्याचे सांगण्यात येत आहे. पीटीआयच्या म्हणण्यानुसार, छताच्या पत्र्याचा काही भाग त्यांना आधार देणाऱ्या लोखंडी बीमसह देखील पडला. हा मलबा टर्मिनलमध्ये उभ्या असलेल्या कार आणि टॅक्सीवर पडला, त्यामुळे त्यात बसलेले काही लोक अडकले. रूफिंग शीट व्यतिरिक्त, सपोर्ट बीम देखील कोसळले, ज्यामुळे टर्मिनलच्या पिक-अप आणि ड्रॉप एरियामध्ये उभ्या असलेल्या गाड्यांचे नुकसान झाले, असे अधिकाऱ्यांनी सांगितले.
दिल्ली विमानतळ प्राधिकरणाच्या प्रवक्त्याने एका निवेदनात सांगितले की, “आज सकाळपासून सुरू असलेल्या मुसळधार पावसामुळे दिल्ली विमानतळाच्या टर्मिनल 1 च्या जुन्या डिपार्चर हॉलच्या छताचा काही भाग पहाटे 5 वाजता कोसळला. काही लोक जखमी झाल्याची नोंद आहे आणि आपत्कालीन कर्मचारी बाधित लोकांना सर्व आवश्यक मदत आणि वैद्यकीय मदत देण्यासाठी काम करत आहेत.”
जखमींना वाचवण्याचे काम सुरू आहे
त्यांनी सांगितले की, जखमींना रुग्णालयात दाखल करण्यात आले आहे. ज्या कारवर लोखंडी तुळई पडली होती, त्या कारमधून सहा जणांपैकी एकाची सुटका करण्यात आली. DFS ला सकाळी 5.30 च्या सुमारास घटनेची माहिती मिळाल्यानंतर, तीन फायर इंजिन विमानतळावर पाठवण्यात आले.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
