Vishal Dadlani | खासदार कंगना राणौत (Kangana Ranaut) दिल्लीला निघत असतानाच चंदीगढ विमानतळावर एक प्रकार घडला. एका महिला CISF सुरक्षाकर्मीने कंगनाच्या कानशि‍लात लगावली. शेतकरी आंदोलनात बोलणं कंगनाला भोवलं आणि तिला चक्क सुरक्षाकर्मीनेच थोबाडीत मारली. त्या महिलेला निलंबित करण्यात आले आहे. तर दुसरीकडे बॉलिवूड संगीत दिग्दर्शक विशाल ददलानीने (Vishal Dadlani) त्या महिलेला नोकरी देण्याचं आश्वासन दिलं आहे.
विशाल ददलानी CISF महिलेच्या समर्थनार्थ
कंगना राणौतला गुरुवारी मोठा धक्का बसला जेव्हा CISF जवान कुलविंदर कौरने चंदीगड विमानतळावर तिला थप्पड मारली. या घटनेनंतर कुलविंदर कौरला निलंबित करण्यात आले आहे. तिच्यावर एफआयआर देखील दाखल करण्यात आला आहे. अनेक लोक या प्रकरणाकडे गांभीर्याने पाहत आहेत आणि सीआयएसएफ महिलेच्या या कृतीवर टीका करत आहेत. मात्र, आता या सर्व घटनांनंतर बॉलिवूड गायक आणि संगीतकार विशाल ददलानी यांनी त्यांच्या इन्स्टाग्राम हँडलवर कंगना आणि कौर यांच्यातील बाचाबाचीचा व्हिडिओ शेअर केला असून मी हिंसेचे समर्थन करत नाही, मात्र महिलेची दुर्दशा समजून घेत असल्याचे म्हटले आहे.
मी तिला नोकरी देईन – विशाल ददलानी
बॉलीवूड गायक आणि संगीतकार विशाल ददलानी यांनी वचन दिले की मी कधीही हिंसेचे समर्थन करणार नाही, परंतु मला या @official_cisf कर्मचाऱ्यांच्या रागाची गरज पूर्णपणे समजते. सीआयएसएफने तिच्यावर कारवाई केल्यास मी तिला नोकरी देईन. जय हिंद. जय जवान जय किसान. विशाल इथेच थांबत नाही. त्यांनी कंगनाला पाठिंबा देणाऱ्यांवर आणि शेतकऱ्यांच्या निषेधाच्या सदस्यांविरोधात केलेल्या तिच्या वक्तव्यांवरही टीका केली आणि लिहिले, “डुंगनाच्या समर्थकांनो, जर ती म्हणाली असती की, तुमची आई ‘100 रुपयांना उपलब्ध आहे’, तर तुम्ही काय केले असते?” असा सवाल त्यांनी केला आहे.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
