Pune Accident: पोर्श कार अपघाताची पुनरावृत्ती! पुण्यात आमदाराच्या पुतण्याने दुचाकीस्वाराला उडवले
Pune Nashik Highway Accident: महाराष्ट्रात राष्ट्रवादीचे अजित पवार गटाचे आमदार दिलीप मोहिते पाटील यांच्या पुतण्याच्या कारने पुणे-नाशिक महामार्गावर दोन दुचाकीस्वारांना चिरडले. यात दुचाकीस्वार तरुणाचा मृत्यू झाला आहे. ओम सुनील भालेराव असे त्याचे नाव आहे. अन्य तरुणावर रुग्णालयात उपचार सुरू असून, याप्रकरणी मंचर पोलिसांनी गुन्हा दाखल करून तपास सुरू केला आहे.
अपघातानंतर राष्ट्रवादीचे आमदार दिलीप मोहिते पाटील यांनी स्पष्टीकरण देताना त्यांचा पुतण्या मयूर मोहिते हा अपघातानंतर घटनास्थळावरून पळून गेला नसल्याचा दावा केला आहे. घटनेच्या वेळी आपल्या पुतण्याने कोणत्याही प्रकारचे नशेचे सेवन केले नसल्याचा दावाही आमदाराने केला आहे.
स्थानिक लोकांनी आमदाराच्या पुतण्यावर आरोप केला
पुण्यातील पोर्श दुर्घटनेनंतर पुण्यातून दुसरा अपघात समोर आला आहे. पुण्यातील खेड तालुक्याचे आमदार दिलीप मोहिते पाटील यांच्या पुतण्याने त्यांच्या कारने दोन दुचाकीस्वारांना धडक दिली. घटना घडली त्यावेळी राष्ट्रवादीच्या आमदाराचा पुतण्या दारूच्या नशेत होता, असा आरोप स्थानिकांनी केला आहे. दारूच्या नशेत त्याने दुचाकीस्वारांना धडक दिली. मयूर मोहिते पाटील यांच्या वैद्यकीय अहवालाकडे सर्वांचे लक्ष लागले आहे.
अपघातानंतर मयूर मोहिते पाटील गाडीतच बसून राहिल्याचेही स्थानिकांचे म्हणणे आहे. तो गाडीतून उतरला नाही. घटना घडली त्यावेळी मयूर मोहिते पाटील हे पुणे-नाशिक महामार्गावरून कारने पुण्याच्या दिशेने येत होते. ते विरुद्ध दिशेने गाडी चालवत होते. यादरम्यान त्यांच्या कारने दुचाकीस्वारांना धडक दिली. अपघात एवढा भीषण होता की, कारला धडक दिल्याने दुचाकी काही फूट दूर जाऊन तरुण रस्त्याच्या कडेला पडला. त्यामुळे 19 वर्षीय ओम भालेराव यांचा जागीच मृत्यू झाला.
महत्वाच्या बातम्या-
OBC Reservation | अखेर दहा दिवसांनंतर लक्ष्मण हाके आणि नवनाथ वाघमारेंचे उपोषण स्थगित
बांगलादेशविरुद्धच्या सुपर-8 सामन्यात संजू सॅमसनला संधी मिळणार? रोहित-द्रविडने संकेत दिले