Sourav Ganguly | गौतम गंभीरला टीम इंडियाचा मुख्य प्रशिक्षक बनवण्यास गांगुलीचा विरोध, म्हणाला, ‘बीसीसीआयने शहाणपणाने..’
Sourav Ganguly | भारतीय संघाचे विद्यमान मुख्य प्रशिक्षक राहुल द्रविड यांचा कार्यकाळ आयसीसी टी-20 विश्वचषक 2024 (ICC T20 World Cup 2024) नंतर संपणार आहे. यानंतर 1 जुलै रोजी टीम इंडियाची कमान नव्या मुख्य प्रशिक्षकाकडे सोपवण्यात येणार आहे. पण टीम इंडियाचा पुढचा मुख्य प्रशिक्षक कोण असेल? हा मोठा प्रश्न आहे. अलीकडेच एक अहवाल समोर आला आहे, ज्यामध्ये दावा केला जात आहे की केकेआरचा मार्गदर्शक गौतम गंभीरला (Gautam Gambhir) भारतीय संघाचे पुढील मुख्य प्रशिक्षक बनवले जाऊ शकते. बीसीसीआयने गौतम गंभीरच्या सर्व अटी मान्य केल्या असून तो टीम इंडियाचा पुढील मुख्य प्रशिक्षक होऊ शकतो अशी बातमी समोर येत आहे. दरम्यान, सौरव गांगुलीने (Sourav Ganguly) एक पोस्ट केली आहे, जी चर्चेत आली आहे.
टीम इंडियाचा पुढील मुख्य प्रशिक्षक कोण असेल, असे प्रश्न भारतीय संघाच्या करोडो चाहत्यांच्या मनात निर्माण होत आहेत. जगभरातील अनेक दिग्गज क्रिकेटपटूंनी या पदावर राहण्यास नकार दिला आहे. रिकी पाँटिंगपासून जस्टिन लँगरपर्यंत सर्वांनी टीम इंडियाचे मुख्य प्रशिक्षक होण्यास नकार दिला आहे. यानंतर गौतम गंभीरला भारतीय संघाचे मुख्य प्रशिक्षक बनवले जाऊ शकते अशा बातम्या येऊ लागल्या. या संदर्भात भारताचा माजी क्रिकेटपटू सौरव गांगुलीने केलेली पोस्ट चांगलीच चर्चेत आली आहे. चाहते गांगुलीच्या पोस्टचा अर्थ असा काढत आहेत की गौतम गंभीरला भारतीय संघाचा मुख्य प्रशिक्षक बनलेले दादाला पाहायचे नाही.
The coach's significance in one's life, their guidance, and relentless training shape the future of any person, both on and off the field. So choose the coach and institution wisely…
— Sourav Ganguly (@SGanguly99) May 30, 2024
सौरव गांगुलीने आज म्हणजेच 30 मे रोजी त्याच्या ट्विटर हँडलवर पोस्ट केली आहे. त्याने या पोस्टमध्ये लिहिले की, खेळाडूच्या आयुष्यात प्रशिक्षकाचे महत्त्व खूप असते. प्रशिक्षकाचे मार्गदर्शन आणि सततचे प्रशिक्षण कोणत्याही खेळाडूच्या कारकिर्दीला आकार देते. मुख्य प्रशिक्षक जरी मैदानापासून दूर राहिले तरी त्यांचे योगदान खूप महत्त्वाचे आहे. अशा स्थितीत भारतीय संघासाठी मुख्य प्रशिक्षकाची निवडही शहाणपणाने करायला हवी. सौरभची ही पोस्ट गौतम गंभीरला टीम इंडियाचा मुख्य प्रशिक्षक बनवू नये, असे संकेत देत असल्याचा अंदाज चाहत्यांनी लावला आहे.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअॅप ग्रुप
महत्वाच्या बातम्या :
Sushma Andhare | पुणे अपघातामधील डॉ. अजय तावरेच्या जीवाला धोका, सुषमा अंधारेंचं मोठं वक्तव्य
Jitendra Awad | जितेंद्र आव्हाड यांनी महाड येथे केले मनुस्मृतीचे दहन, राजकारण तापलं
Ashish Shelar | आदित्य ठाकरे लंडनमधून पॉपकॉर्न खात बोलत आहेत का?, आशिष शेलार यांचा सवाल