SRH VS KKR | SRH चा फलंदाज दुर्दैवीरित्या बाद झाला, जिन्यावर बसून ढसाढसा रडला
![SRH VS KKR | SRH चा फलंदाज दुर्दैवीरित्या बाद झाला, जिन्यावर बसून ढसाढसा रडला](https://i0.wp.com/azadmarathi.com/wp-content/uploads/2024/05/Rahul-tripati.webp?resize=750%2C400&ssl=1)
आयपीएल 2024 च्या पहिल्या क्वालिफायरमध्ये कोलकाता नाईट रायडर्सने सनरायझर्स हैदराबादचा पराभव (SRH VS KKR) करून अंतिम फेरीत आपले स्थान निश्चित केले. या सामन्यात हैदराबादची सुरुवात खूपच खराब झाली होती. एकवेळ संघाची धावसंख्या 4 विकेटवर 39 धावा होती. मात्र त्यानंतर हैदराबादच्या फलंदाजांनी जोरदार पुनरागमन केले. राहुल त्रिपाठीच्या नेतृत्वाखाली संघाने शंभरी पार केली. 13 षटकांनंतर हैदराबादची धावसंख्या 5 गड्यांच्या मोबदल्यात 114 धावा होती. संघ 180 धावांचा टप्पा सहज पार करेल असे वाटत होते.
राहुल त्रिपाठी धावबाद झाला
सनरायझर्स हैदराबादने 13व्या षटकानंतर वेळ काढली. अब्दुल समदने 14व्या षटकाच्या पहिल्या चेंडूवर षटकार ठोकला. मात्र दुसऱ्याच चेंडूवर राहुल त्रिपाठी धावबाद झाला. तो संघाकडून सर्वाधिक सेट झालेला फलंदाज होता. त्याने अर्धशतक केले होते आणि मैदानाच्या प्रत्येक कोपऱ्यात सहज फटके खेळत होता. अब्दुल समदसह खराब समन्वयामुळे राहुल त्रिपाठी बाद झाला आणि केकेआरला सामन्यात पुनरागमन करण्याची संधी मिळाली.
Rahul Tripathi after his dismissal. He was playing so well! Can't believe he got run out in that way. pic.twitter.com/sLbGTKlbDz
— Prasenjiit Dey (@CricPrasen) May 21, 2024
राहुल त्रिपाठी बाद होण्यापूर्वी हैदराबादची धावसंख्या 13.1 षटकांत 5 बाद 121 धावा होती. 16 षटकांनंतर संघाची धावसंख्या 9 विकेटवर 126 धावा झाली. त्या एक धावबादने केकेआरला वर्चस्व गाजवण्याची संधी दिली. या धावबादमुळे अब्दुल समदही दडपणाखाली आला आणि त्याने आपली विकेट दिली. कमिन्सने कसा तरी संघाला 159 धावांपर्यंत नेले पण ते विजयासाठी पुरेसे नव्हते.
हताश झालेला राहुल पायऱ्यांवर बसला
धावबाद झाल्यानंतर राहुल त्रिपाठी निराश झाला. सुरुवातीला तो बराच वेळ खेळपट्टीच्या मध्यभागी उभा राहिला. मग पव्हेलियन मध्ये आत जाण्याऐवजी तो पायऱ्यांवर बसला. बराच वेळ राहुल निराश चेहरा (SRH VS KKR) लपवून तिथेच बसून राहिला.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअॅप ग्रुप
महत्वाच्या बातम्या :
Porsche Car Accident | मुख्यमंत्री शिंदेंचा थेट पोलीस आयुक्तांना फोन
Vijay Wadettiwar | दोन निष्पाप लोकांचा जीव घेणाऱ्या पुणे अपघाताची न्यायिक चौकशी करा
Ashish Shelar | महापालिकेचे नालेसफाईचे आकडे खोटे,आयुक्तांनी नाल्यावर येऊन पहावं