Porsche car Accident : विशाल अग्रवालला २४ मे पर्यंत दिवसांची पोलीस कोठडी

Porsche car Accident : पुण्यात कल्याणीनगर इथं शनिवारी रात्री झालेल्या वाहन अपघात प्रकरणात (Porsche car Accident ) आरोपीचे वडील विशाल अग्रवाल यांना ३ दिवसांची पोलीस कोठडी देण्याची मागणी पुणे पोलिसांनी केली. पुणे सत्र न्यायालयाने पोलिसांची मागणी पूर्ण करत विशाल अग्रवालसह ३ जणांना २४ मे पर्यंत पोलीस कोठडी सुनावली आहे. यावेळी सरकारी वकिलांनी त्यांच्यावर अनेक प्रश्न उपस्थित केले आहेत.

मुलाला विना नंबरप्लेट असलेली कार का चालवायला दिली? मुलगा अल्पवयीन असताना त्याला पबमध्ये जाण्याची परवानगी का दिली? मुलाला खर्च करण्यासाठी पॉकेटमनी कोणत्या स्वरुपात दिला? गुन्हा दाखल केल्यानंतर विशाल अग्रवाल हे फरार का झाले? असे प्रश्न वकिलांनी उपस्थित केले आहेत. या प्रश्नांची उत्तरे शोधून काढण्यासाठी विशाल अग्रवाल यांना २४ मे पर्यंत पोलीस कोठडी देण्याची मागणी पुणे पोलिसांनी न्यायालयाककडे केली होती.

दरम्यान पुण्यात कल्याणीनगर इथं शनिवारी रात्री झालेल्या वाहन अपघात प्रकरण (Porsche car Accident ) सध्या चांगलेच चर्चेत आहे. कल्याणी नगर जंक्शन भागात रविवारी पहाटे नंबरप्लेट नसलेल्या पोर्श कारने मोटरसायकलला धडक दिली होती. या अपघातात दोन दुचाकीस्वारांचा मृत्यू झाला होता. यानंतर आरोपीचे वडील फरार होते. मात्र पोलिसांनी विशाल अग्रवाल (Porsche car Accident ) याला  छत्रपती संभाजीनगरमधून अटक केली होती. आता पुणे सत्र न्यायालयाने त्यांना ३ दिवसांची कोठडी सुनावली आहे.

आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप