‘आयबीच्या अहवालात दावा, गुजरातमध्ये ‘आप’चे सरकार येणार’
नवी दिल्ली – दिल्लीचे मुख्यमंत्री अरविंद केजरीवाल (Arvind Kejriwal) यांनी आयबीच्या अहवालाचा हवाला देत गुजरातमध्ये (Gujrat) आम आदमी पक्षाचे (AAP) सरकार स्थापन होत असल्याचा दावा केला आहे. ते म्हणाले की, हा अहवाल पाहिल्यानंतर भाजपमध्ये खळबळ उडाली आहे. ‘आप’ला रोखण्यासाठी भाजपने काँग्रेससोबत मागच्या दाराने चर्चा सुरू केली आहे. आज गुजरातमध्ये निवडणूक झाल्यास भाजपला मोठे नुकसान सहन करावे लागू शकते, असे आयबीने आपल्या अहवालात स्पष्टपणे म्हटले आहे, असे आपचे प्रमुख केजरीवाल यांनी सांगितले.
IB Report से बड़ा खुलासा!
आज Gujarat में चुनाव हो तो AAP की सरकार बन रही है:Sources
रिपोर्ट से बुरी तरह बौखलाई BJP, Congress के साथ Secret Meetings कर रही है
भाजपा का प्रयास-कांग्रेस को मज़बूत कर Anti-BJP Vote बांटो
कांग्रेस की ज़िम्मेदारी-AAP के वोट काटो
-CM @ArvindKejriwal pic.twitter.com/e1j35pQAxI
— AAP (@AamAadmiParty) October 2, 2022
मुख्यमंत्री अरविंद केजरीवाल यांनी रविवारी प्रसारमाध्यमांशी बोलताना हा दावा केला. सध्याच्या घडीला गुजरातमधील परिस्थितीबद्दल त्यांनी गुजरातमधील जनतेचे आभार मानले आहेत. तसेच आयबीच्या अहवालात आम आदमी पक्षाचा विजय थोड्या फरकाने झाल्याचे सांगण्यात येत आहे. देश आणि राज्याच्या हितासाठी हा विजय अधिक मोठा करा, असे आवाहन त्यांनी गुजरातच्या जनतेला केले. त्यामुळे पक्षाला तेथे बहुमत मिळवणे सोपे होणार आहे. पत्रकार परिषदेदरम्यान आपल्या सूत्रांचा हवाला देऊन ते म्हणाले की, आयबीने आपल्या अहवालात सांगितले की आज निवडणुका झाल्या तर आम आदमी पार्टीला पूर्ण बहुमत मिळेल.
आयबीचा हा अहवाल पाहिल्यानंतर भाजपच्या रणनीतीकारांमध्ये खळबळ उडाली आहे, असा दावा केजरीवाल यांनी माध्यमांसमोर केला. त्यांच्या घरात घुसून आम आदमी पक्ष त्यांना कसे मारण्याच्या स्थितीत आहे हे जाणून घेण्यासाठी रणनीतीकार उत्सुक आहेत. आता आम आदमी पार्टीला रोखण्यासाठी भाजप काँग्रेससोबत गुप्त बैठक घेत आहे. भाजपविरोधी मते वळवण्यासाठी भगव्या पक्षाने पूर्ण ताकद लावली आहे. त्यासाठी काँग्रेसही आतून खूप मदत करत आहे, असं ते म्हणाले.