Pakistan Cricketer | “जेव्हा आई-वडिलांचा विषय येतो तेव्हा…”, चाहत्यासह भांडणाच्या व्हिडिओवर पाकिस्तानी क्रिकेटरची प्रतिक्रिया
Pakistan Cricketer | पाकिस्तानचा वेगवान गोलंदाज हारिस रौफ (Harris Rauf) काही लोकांसोबतच्या त्याच्या जोरदार वादाचा व्हिडिओ व्हायरल झाल्यानंतर वादाच्या भोवऱ्यात आला आहे, त्यानंतर त्याने म्हटले आहे की, जर आपल्या कुटुंबाला मध्यभागी ओढले तर उत्तर देण्यास मी मागेपुढे पाहणार नाही. अमेरिका आणि वेस्ट इंडिजमध्ये सुरू असलेल्या टी20 विश्वचषक 2024 च्या ग्रुप स्टेजमधून पाकिस्तान बाहेर पडल्यानंतर ही घटना घडली. प्रथमच विश्वचषक खेळणाऱ्या पाकिस्तानचा (Pakistan Cricketer) अमेरिकेकडून पराभव झाला आणि कट्टर प्रतिस्पर्धी भारताविरुद्ध विजयाच्या उंबरठ्यावर पोहोचूनही संघाचा पराभव झाला.
सोशल मीडियावर व्हायरल झालेल्या व्हिडीओमध्ये हरीस त्याच्या पत्नीसोबत चालत असताना त्याची एका गटाशी टक्कर झाली. यावेळी ते लोक संघाच्या खराब कामगिरीबद्दल त्याला टोमणे मारत होते असे जाणवते. यामुळे रौफचा अचानक संयम सुटला आणि तो त्या लोकांच्याअंगावर धावून गेला. तेथील उपस्थितांनी रौफला सांभाळत वाद मिटवला.
— Haris Rauf (@HarisRauf14) June 18, 2024
रौफने आता या घटनेबाबत मौन तोडले आहे. त्यावर त्याने लिहिले एक सुप्रसिद्ध व्यक्तिमत्व असल्याने आम्ही लोकांच्या सर्व प्रकारच्या प्रतिक्रियांना विरोध करत नाही. त्यांना आमचे समर्थन करण्याचा किंवा आमच्यावर टीका करण्याचा अधिकार आहे. पण जेव्हा माझ्या पालकांचा किंवा कुटुंबाचा प्रश्न येतो तेव्हा मी योग्य उत्तर देण्यास मागे हटणार नाही. कोणी कुठल्या व्यवसायात असला तरी त्याचा आणि त्याच्या कुटुंबाचा आदर केला पाहिजे.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :