GT vs MI Qualifier-2: अहमदाबादमध्ये पावसामुळे सामना रद्द झाला तर? गुजरात-मुंबईपैकी कोण खेळणार फायनल?
IPL 2023 मध्ये आज गुजरात टायटन्स आणि मुंबई इंडियन्सचे (Gujrat Titans vs Mumbai Indians) संघ क्वालिफायर-2 सामन्यात (Qualifier 2) आमनेसामने असतील. आतापर्यंत दोन्ही संघ तीनदा आमनेसामने आले आहेत, ज्यात मुंबईचा वरचष्मा राहिला आहे. मुंबईने तीनपैकी दोन सामने जिंकले आहेत, तर गुजरातने केवळ एकच सामना जिंकला आहे. मात्र या सामन्यावेळी अहमदाबादमध्ये पाऊस झाल्यास गुजरातला अनुकूलता मिळू शकते. जाणून घेऊया आज अहमदाबादमधील हवामानाची स्थिती (Weather Reports) काय असेल…
पाऊस पडला तर काय होईल ते आधी जाणून घ्या…
तसे, पाऊस पडला की अतिरिक्त वेळ ठेवला जातो. पाऊस थांबण्याची प्रतीक्षा केली जाते. जर पाऊस थांबायला जास्त वेळ लागला तर किमान पाच षटकांचा सामना असावा असे ठरले आहे. त्यानंतरही पाऊस थांबला नाही तर, जेव्हा खेळाच्या स्थितीच्या शेवटी पाऊस थांबतो, तेव्हा सुपरओव्हर म्हणजेच एक ओव्हरच्या खेळातून निकाल मिळविण्याचा प्रयत्न केला जातो. प्लेऑफ सामन्यांसाठी कोणताही राखीव दिवस नाही. अशा स्थितीत सामन्याच्या निकालाचा निर्णय त्याच दिवशी होणार हे निश्चित आहे.
जर सामना खेळवणे कसेही शक्यच न झाल्यास साखळी फेरीतील दोन्ही संघांच्या स्थानावरुन विजेता ठरवला जातो. म्हणजेच साखळी फेरीदरम्यान कोणता संघ कोणत्या स्थानावर होता. शीर्षस्थानी असलेल्या संघाला विजेता घोषित केले जाते आणि तो संघ पुढील फेरीत जातो. म्हणजेच गुजरातला यात फायदा होईल, कारण तो गुणतालिकेत अव्वल होता. त्याचवेळी मुंबई इंडियन्सचा संघ गुणतालिकेत चौथ्या स्थानावर होता. गुणतालिकेत अव्वल स्थानावर राहण्याचा फायदा गुजरातला होईल आणि ते अंतिम फेरीत पोहोचतील.
आता अहमदाबादमधील हवामान परिस्थिती जाणून घ्या
अहमदाबादमध्ये आज पावसाची शक्यता कमी आहे. हवामान स्वच्छ आणि साफ राहण्याची परिस्थिती अपेक्षित आहे. अहमदाबादमध्ये २६ मे (शुक्रवार) रोजी दिवसाचे कमाल तापमान ४१ अंश सेल्सिअस आणि रात्रीचे किमान तापमान २९ अंश सेल्सिअस राहील असा अंदाज हवामान खात्याने वर्तविला आहे. दिवस आणि रात्री आकाश निरभ्र राहील.
दिवसा २३ टक्के आणि रात्री १६ टक्के पावसाची शक्यता आहे. अशा स्थितीत पावसाचा खेळावर काहीसा परिणाम होऊ शकतो. दिवसा आर्द्रता ४६ टक्के राहील आणि रात्री ५९ टक्क्यांपर्यंत घसरेल. अशा स्थितीत अहमदाबादमधील परिस्थिती खेळासाठी अनुकूल असेल असे म्हणता येईल.