डीयू नॉर्थ कॅम्पसच्या मुघल गार्डनचे नाव बदलले, गौतम बुद्ध शताब्दी गार्डन अशी नवी ओळख

Mughal Garden :  राष्ट्रपती भवनातील मुघल गार्डननंतर आता दिल्ली विद्यापीठाच्या नॉर्थ कॅम्पसमधील मुघल गार्डनचे नाव बदलून ‘गौतम बुद्ध शताब्दी’ गार्डन करण्यात आले आहे. विद्यापीठाच्या एका अधिकाऱ्याने सोमवारी ही माहिती दिली. त्यानुसार 27 जानेवारी रोजी उद्यानाचे नाव बदलण्यात आले. या उद्यानात मुघलकालीन रचना नसल्याचा युक्तिवाद विद्यापीठाने नव्या नामकरणामागे दिला आहे.तत्पूर्वी, राष्ट्रपती भवनाने शनिवारी आपल्या प्रसिद्ध मुघल उद्यानाचे ‘अमृत उद्यान’ असे नामकरण केले.(DU North Campus’s Mughal Garden has been renamed Gautam Buddha Shatabdi Garden)

विद्यापीठाच्या एका अधिकाऱ्याने नाव जाहीर न करण्याच्या इच्छेने सांगितले की, नॉर्थ कॅम्पस गार्डनचे राष्ट्रपती भवन असे नामकरण हा योगायोग होता आणि विद्यापीठाच्या स्वतःच्या उद्यान समितीशी दीर्घ चर्चा केल्यानंतर हा निर्णय घेण्यात आला. 27 जानेवारी रोजीच्या अधिसूचनेत, रजिस्ट्रार विकास गुप्ता यांनी सांगितले की, दिल्ली विद्यापीठाच्या सक्षम प्राधिकरणाने गौतम बुद्धांच्या पुतळ्यासह उद्यानाचे नामकरण गौतम बुद्ध शताब्दी उद्यान असे करण्यास मान्यता दिली आहे.

या उद्यानात गौतम बुद्धाची मूर्ती किमान १५ वर्षांपासून बसवण्यात आली आहे. या अधिकाऱ्याने सांगितले की, ही बाग ना मुघलांनी बांधली होती ना त्यात मुघल गार्डनची रचना आहे.एक नमुनेदार मुघल बाग पर्शियन स्थापत्य रचनेवर आधारित आहे. ज्यामध्ये कालवे आणि तलाव तसेच कारंजे आणि धबधबे यांचा समावेश आहे. तसेच मुघल गार्डन्समध्ये तलाव, वाहते पाणी आणि दोन्ही बाजूला कारंजे असलेली एक विशिष्ट रचना आहे.

ताजमहाल आणि इतर ठिकाणांप्रमाणे फळ आणि फुलांची झाडे मुघल गार्डन्समध्ये दिसतात. परंतु विद्यापीठाच्या उद्यानांमध्ये यापैकी कोणतीही वैशिष्ट्ये नाहीत. नाव बदलण्याच्या वेळेबाबत विचारले असता अधिकाऱ्याने सांगितले की, विद्यापीठ मार्चमध्ये फ्लॉवर शो आयोजित करणार आहे, त्यामुळे विद्यापीठाने त्यापूर्वी उद्यानाचे नाव बदलण्याचा निर्णय घेतला आहे.