बिग बुल राकेश झुनझुनवाला यांनी केवळ 5,000 रुपयांमधून 46,000 कोटींचे साम्राज्य कसे उभारले ?
मुंबई – राकेश झुनझुनवाला यांचा गुंतवणुकीचा प्रवास त्यांच्या घरापासून सुरू झाला. वडील राधेश्यामजी झुनझुनवाला इन्कम टॅक्समध्ये मोठे अधिकारी होते. ते अनेकदा शेअर मार्केटमध्ये गुंतवणूक करत असे, हे पाहून राकेश झुनझुनवाला यांच्या मनात मार्केट जाणून घेण्याची उत्सुकता निर्माण झाली. ते वडिलांशी गुंतवणुकीच्या पद्धतींबद्दल चर्चा करत असे आणि बाजारातील बारकावे समजून घेत असे.
राकेश झुनझुनवाला यांनी 1985 मध्ये केवळ 5,000 रुपयांच्या भांडवलाने गुंतवणूक करण्यास सुरुवात केली. सुरुवातीला त्याला कोणतेही मोठे यश मिळाले नाही. पण त्यांची मोठी संधी 1986 मध्ये आली, जेव्हा त्यांनी टाटाचा एक शेअर पहिल्यांदा 43 रुपये प्रति शेअर या दराने विकत घेतला आणि काही दिवसांत शेअरची किंमत तिप्पट झाली. यामध्ये राकेश झुनझुनवाला यांना सुमारे 5 लाख रुपयांचा नफा झाला होता. यानंतर राकेश झुनझुनवाला यांनी मागे वळून पाहिले नाही.
राकेश झुनझुनवाला यांची टाटा समूहाची दागिने आणि घड्याळ निर्माता कंपनी टायटनच्या स्टॉकमधील गुंतवणूक ही सर्वात यशस्वी गुंतवणूक मानली जाते. 2002 मध्ये त्यांनी टायटनचे 6 कोटी शेअर्स 3 रुपये प्रति शेअर या दराने सुमारे 18 कोटी रुपयांना खरेदी केले होते. ट्रेंडलीनच्या मते, राकेश झुनझुनवाला यांच्या पोर्टफोलिओमध्ये टायटनच्या शेअर्सचे मूल्य 11,086 कोटी रुपये होते.
अमेरिकन मॅगझिन फोर्ब्सनुसार, राकेश झुनझुनवाला आणि त्यांच्या कुटुंबाकडे सुमारे $5.8 बिलियन (सुमारे 46,000 हजार कोटी) संपत्ती होती. ते देशातील 36 व्या आणि जगातील 438 व्या श्रीमंत व्यक्ती होते.