Home News मराठा समाज जेव्हा एकनाथ शिंदे यांच्या अंगावर आला, तेव्हा अजित पवारांना डेंग्यू झाला – कदम

1 minute read

मराठा समाज जेव्हा एकनाथ शिंदे यांच्या अंगावर आला, तेव्हा अजित पवारांना डेंग्यू झाला – कदम

November 15, 2023

Ramdas Kadam Vs Ajit Pawar – मराठा आरक्षणाचा (Maratha Reservation) मुद्दा तापला असताना अचानक उपमुख्यमंत्री अजित पवार (Deputy Chief Minister Ajit Pawar) यांना डेंग्यू झाल्याची बातमी समोर आली. अजित पवारांच्या या आजारपणाचे विविध राजकीय अर्थ काढले जात आहेत. आता शिंदे गटाचे नेते रामदास कदम (Ramdas Kadam) यांनीही अजित पवारांवर टीकास्र सोडलं आहे.

मराठा समाज जेव्हा मुख्यमंत्री एकनाथ शिंदे यांच्या अंगावर आला, तेव्हा अजित पवारांना डेंग्यू झाला, अशी उपरोधिक टीका रामदास कदम यांनी केली. त्याचबरोबर सत्ताधारी पक्षातील आमदार सरकारविरोधात आंदोलन कसं काय करू शकतात, हेच मला समजत नाही, असं वक्तव्य रामदास कदम यांनी केलं. ते प्रसारमाध्यमांशी संवाद साधत होते.

रामदास कदम म्हणाले, उपमुख्यमंत्री झाल्यानंतर अजित पवार शरद पवारांचे (Sharad Pawar) आशीर्वाद घ्यायला गेले, हे आपण समजू शकतो. पण काल दिलीप वळसे पाटीलही( Dilip Walse Patil) पवारांकडे आशीर्वाद घ्यायला गेले. सुनील तटकरेही (Sunil Tatkare) आशीर्वाद घ्यायला गेले आणि तिथून ते अमित शाहांना भेटायला दिल्लीत गेले. मराठा समाज जेव्हा एकनाथ शिंदेंच्या अंगावर आला, तेव्हा नेमका अजितदादांना डेंग्यू झाला. अजित पवारांचे २० पैकी २० आमदार एकनाथ शिंदे आणि शासनाच्या विरोधात मंत्रालयात आंदोलन करू लागले. त्यांनी मंत्रालयाचं गेट बंद केलं, हेच मला कळत नाही.