बीसीसीआयने आशिया कपसाठी टीम इंडियाची घोषणा केली, पाकिस्तानविरुद्धही होणार सामना

Asia Cup 2023 : भारतीय क्रिकेट नियामक मंडळ (BCCI) आणि पाकिस्तान क्रिकेट बोर्ड (PCB) यांच्यात पुरुष आशिया चषक 2023 च्या आयोजनावरून दीर्घकाळापासून वाद सुरू आहे. दरम्यान, BCCI ने या महिन्यात 12 जूनपासून खेळल्या जाणाऱ्या इमर्जिंग महिला आशिया चषकासाठी 14 सदस्यीय भारतीय अ संघाची घोषणा केली आहे. या स्पर्धेत भारतीय अ संघ 13 जूनला आपल्या मोहिमेला सुरुवात करेल, तर 17 जूनला पाकिस्तानशी सामना होईल.

उदयोन्मुख महिला आशिया कप 2023 मध्ये, भारतीय अ संघाला साखळी टप्प्यात 3 सामने खेळण्याची संधी मिळेल. भारतीय अ संघ 13 जून रोजी यजमान हाँगकाँग विरुद्ध थायलंड अ संघाविरुद्ध 15 जून रोजी पहिला सामना खेळेल. यानंतर भारत अ संघ 17 जून रोजी पाकिस्तान अ महिला संघाविरुद्ध शेवटचा साखळी सामना खेळेल.

भारतीय महिला अ संघाच्या कर्णधारपदाची जबाबदारी श्वेता सेहरावतकडे सोपवण्यात आली आहे. श्वेताची चमकदार कामगिरी 2023 च्या सुरुवातीला झालेल्या महिला टी-20 विश्वचषकात पाहायला मिळाली . श्वेताने 7 सामन्यात एकूण 297 धावा केल्या, 3 अर्धशतकांच्या खेळीसह संघासाठी सर्वाधिक धावा केल्या. इमर्जिंग आशिया कपचे आयोजन हाँगकाँगमध्ये होत आहे. यामध्ये 8 संघ सहभागी होत असून त्यांची प्रत्येकी 4 च्या 2 गटात विभागणी करण्यात आली आहे. भारतीय संघाला अ गटात स्थान मिळाले आहे.

भारत अ महिला संघ  
श्वेता सेहरावत (कर्णधार), सौम्या तिवारी (उप-कर्णधार), त्रिशा गोंगडी, मुस्कान मलिक, श्रेयंका पाटील, कनिका आहुजा, उमा क्षेत्री (यष्टीरक्षक), ममता माडीवाला (यष्टीरक्षक), तीतास संधू, यशश्री एस, काश्वी गौतम, पारश्वी चौप्रा. मन्नत कश्यप, बी अनुषा.