कायद्याचे रक्षण करूनच नार्वेकरांचा निकाल, चंद्रशेखर बावनकुळे यांचा विश्वास
Chandrashekhar Bawankule:- विधानसभा अध्यक्ष अॅड. राहुल नार्वेकर (Rahul Narvekar) विधान मंडळाचे नियम-परंपरांचे पालन करून व कायद्याचे रक्षण करून निकाल देतील असा विश्वास भाजपा प्रदेशाध्यक्ष चंद्रशेखर बावनकुळे यांनी व्यक्त केला. शिंदे- नार्वेकरांची भेट ही नियमित प्रक्रिया असून त्याचा निकालाशी संबंध नाही.
नागपूर येथे त्यांनी माध्यमांशी संवाद साधला. आमदार अपात्रतेसंदर्भात निकालाच्या पार्श्वभूमीवर विचारलेल्या प्रश्नावर ते आपले मत व्यक्त करीत होते. उद्धव ठाकरे यांनी नार्वेकरांवर केलेल्या टीकेचा समाचार घेताना ते म्हणाले की, आपले गुन्हे, पाप आणि अपयश लपविण्यासाठी दुसऱ्याच्या माथी खापर फोडणे सर्वांत सोपे असते त्यामुळेच असा नॅरिटिव्ह सेट केला जातो. वस्तूस्थितीसह नियम व कायद्याची परंपरा राखली पाहिजे, आरोप प्रत्यारोप करून मनाला जरी समाधान मिळत असले तरी देखील जनतेला सर्वच ठाऊक आहे. अखेर सत्य हे सत्यच आहे. निकाल हा कायद्यानुसारच येणार आहे.
आमदार अपात्रतेचा निकाल आणि पक्षप्रवेशाचा काहीच संबंध नाही. भाजपाचे काम वेगळ्या पद्धतीने सुरू आहे. मोदी सरकारच्या मागील १० वर्षांत झालेल्या कामाचे संपूर्ण मूल्यमापन जनता करीत आहे. चीन सारखा विरोधी देश देखील मोदींच्या कामाची प्रशंसा करीत आहे. जगाचा विश्वास मोदींवर आहे, कुणी काही म्हणाले तरी काहीच फरक पडणार नाही, असेही ते म्हणाले.
महत्वाच्या बातम्या-
Amit Thackeray : अमित ठाकरेंचा अपमान केल्याने महेश जाधवांना ‘प्रसाद’ दिला – देशपांडे
डॉ. कुमार विश्वास यांच्या ‘अपने अपने राम’ कार्यक्रमाचे १८ ते २० जानेवारीला पुण्यात आयोजन
आमदार रवींद्र धंगेकर हवेने भरलेला फुगा- धीरज घाटे
Amit Thackeray : अमित ठाकरेंनी मारहाण केली, माथाडी कामगार नेते महेश जाधवांचा आरोप