Elvish Yadav | “पार्टीमध्ये साप आणि सापाच्या विषाचा सप्लाय केला’; अखेर एल्विश यादवनं पोलिसांसमोर कबुल केलं
सोशल मीडियावरील प्रसिद्ध यूट्यूबर एल्विश यादव (Elvish Yadav) नोएडा पोलिसांच्या ताब्यात आहे. सापाच्या विषाची कथित खरेदी आणि विक्री केल्याप्रकरणी त्याला अटक करण्यात आली आहे. चौकशीदरम्यान, त्याने आरोपाची कबुली दिली आणि सांगितले की, तो पार्टीत सहभागी असलेल्या आरोपींना यापूर्वीही रेव्ह पार्ट्यांमध्ये भेटला होता. त्याच्यावर पार्ट्यांमध्ये साप आणि सापाचे विष पुरवल्याचा आरोप होता.
नोव्हेंबरमध्ये अटक करण्यात आलेल्या आरोपींशी आपला संपर्क आणि ओळख असल्याची कबुली एल्विश यादवने (Elvish Yadav) दिली. नोएडा पोलिसांनी 17 मार्चच्या संध्याकाळी एल्विशला अटक केली. काही महिन्यांपूर्वी, तो एका रेव्ह पार्टीमध्ये दिसला होता, जिथे तो त्याच्या मित्रांसोबत डान्स-पार्टी करत होता, कथितपणे त्याच्या गळ्यात दुर्मिळ साप होते.
दोषी ठरल्यास जामीन मिळणे कठीण होईल
हा व्हिडीओ सोशल मीडियावर व्हायरल झाल्यानंतर प्रशासनाने कारवाई केली.नोएडा पोलिसांनी एल्विश यादवविरुद्ध एनडीपीएस कायद्याच्या कलम 29 अंतर्गत गुन्हा दाखल केला आहे. या कायद्यांतर्गत ड्रग्जशी संबंधित कटात किंवा ड्रग्जच्या खरेदी-विक्रीशी संबंधित प्रकरण असल्यास कारवाई केली जाते. उदाहरणार्थ, या कायद्यांतर्गत शिक्षा झालेल्या दोषीला जामीन मिळणे सोपे नाही.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
नोएडा पार्टीत सापाचे विष पुरवण्यात आले होते
सध्या एल्विश यादवला 14 दिवसांची न्यायालयीन कोठडी सुनावण्यात आली आहे. गेल्या वर्षी 3 नोव्हेंबर रोजी नोएडा सेक्टर 51 येथील बँक्वेट हॉलमध्ये त्याने सापाचे विष दिले होते. फॉरेन्सिक टीमनेही याला दुजोरा दिला होता. त्यानंतर एल्विश यादव आणि इतर सहा जणांविरुद्ध वन्यजीव संरक्षण कायदा आणि आयपीसीच्या कलम 129(ए) अंतर्गत गुन्हा दाखल करण्यात आला. एल्विशची याआधीही चौकशी करण्यात आली होती, मात्र त्यानंतर पोलिसांनी त्याला अटक केली नव्हती.
महत्वाच्या बातम्या :
वन इलेक्शन, वन नेशन आणि नो इलेक्शन करण्याचा भाजपा डाव, लोकशाही व्यवस्था धोक्यातः Jairam Ramesh
‘शिवसेना फोडून मविआ सरकार पाडण्यासाठी भाजपाने वापरला ईलेक्टोरोल बाँडचा पैसा’